لە نیوەی یەكەمی ئەمساڵ زیاتر لە چوار هەزار تۆمەتبار حوكمدراون

ئاڤا نیوز

لە شەش مانگی یەكەمی ئەمساڵ، سەرووی چوار هەزار حوكمدراوی نوێ، هێنراونەتە چاكسازییەكانی هەرێمی كوردستان و زۆربەی حوكمدراوانیش تاوانی ئالوودەبوون بە ماددەی هۆشبەر، كوشتن و دزییان بەسەردا ساغبووەتەوە.

وێنە گەورەکە: لە پارێزگاكانی هەولێر، سلێمانی و دهۆك، شەش چاكسازی هەن تایبەت بە گیراوانی پیاوان، ئافرەتان و نەوجەوانان، هەر تۆمەتبارێك دوای ساغبوونەوەی تاوانێك بەسەریدا، وەكو حوكمدراو دەبردرێتە نێو چاكسازیی پارێزگاكەی خۆی و ماوەی حوكمەكەی تەواو دەكات.

لێدوانی فەرمی: ئيحسان عەبدولڕەحمان، بەڕێوەبەری گشتیی چاكسازییەكانی هەرێمی كوردستان لەمیانی بەشداریكردنی لە بەرنامەی مۆری ئاڤا ڕایگەیاند، لە شەش مانگی یەكەمی ئەمساڵ چوار هەزار و 66 حوكمدراوی نوێ هێنراونەتە نێو چاكسازییەكانی هەرێمی كوردستان كە سێ هەزار و 35 نێر و هەزار و 31 مێن، 150 نەوجەوانن، زۆرترینی تاوانە ئەنجامدراوەكانیش بازرگانیكردن بە ماددەی هۆشبەر و ئالوودەبوونی ماددە هۆشبەر و كارتێكەرە عەقڵییەكانن، لە پاڵ كوشتن و دزی.

زانیاریی زیاتر: ئيحسان عەبدولڕەحمان ڕوونیشی كردەوە، هەر لە شەش مانگی یەكەمی ئەمساڵ سێ هەزار و 627 حوكمدراو، بەهۆی تەواوكردنی ماوەی حوكمیان، یاخود بە ئازادكردنی مەرجدار، یاخود لێبوردنی تایبەت، ئازاد كراون.