پارتی و یەکێتی بۆ پێکهێنانی کابینەی نوێی حکومەت نزیکن لە ڕێککەوتن

ئاڤا نیوز

سەرەڕای هەوڵەکانیان بۆ چارەسەرکردنی کێشەکانی نێوان هەولێر و بەغدا، ئێستا پارتی و یەکێتی بۆ پێکهێنانی کابینەی نوێی حکومەت لە ڕێكکەوتن نزیکن.

زانیاریی تایبەت: سەرچاوەیەکی باڵا و ئاگادار لەنێو پارتی دیموکراتی کوردستان بە ئاڤا میدیای ڕاگەیاند: ئێستا پارتی و یەکێتی جگە لەوەی بۆ چارەسەرکردنی کێشەکانی نێوان هەولێر و بەغدا و پرسی شایستە داراییەکانی هەرێمی کوردستان نزیکن و پێکەوە هەنگاو بۆ چارەسەرکردنی دەنێن، لە هەمان کاتدا بۆ پێکهێنانی کابینەی 10ی حکومەتیش نزیکبوونەوەی زۆر و لەیەکتێگەیشتنی باشیان هەیە.

زانیاریی زیاتر: سەرچاوەکەی پارتی دەڵێت: تەنیا چەند شتێکی کەم ماوە یەکلایی بکرێتەوە، هەفتەی داهاتوو بەدڵنیاییەوە شاندی دانوستانکاری پارتی و یەکێتی دادەنیشن، ڕەنگە ئەوەش یەکلایی بکرێتەوە.

باکگراوند: ڕۆژی 20-10-2025، هەڵبژاردنی پەرلەمانی کوردستان ئەنجامدرا، تا ئێستا پارتی و یەکێتی وەکو براوەی یەکەم و دووەمی هەڵبژاردن، چەندین کۆبوونەوەیان بۆ پێکهێنانی کابینەی نۆیی حکومەت کردووە، دواین کۆبوونەوەش بە سەرپەشتی مەسرور بارزانی و بافڵ تاڵەبانی لە دووکان بەڕێوەچوو.