فایلی خەڵک: کەسانی کەمدەرامەت لە خانووەکانی دەشتی بەهەشت نیشتەجێبوون

ئاڤا نیوز

خاوەن خانووەکانی دەشتی بەهەشت لە شاری هەولێر، سەرەڕای ئەوەی کە خانووەکانیان تەواو نەکراوە، ئێستا ڕووبەڕووی گرفتێکی دیکەش بوونەتەوە و داوای چارەسەرێک دەکەن. 

ئەوەی پێویستە بیزانیت: دەشتی بەهەشت پڕۆژەیەکی نیشتەجێبوونە و دەکەوێتە ڕۆژهەڵاتی هەولێر بەرامبەر کەسنەزان، 427 ڤێلا و هەزار و 122 شووقە لەخۆدەگرێت، لە ساڵی 2010 لەلایەن گرووپی كۆمپانیاكانی عادل موتەحیدە دەست بە دروستکردنی کرا و بڕیار بوو ساڵی 2013 تەواو بکرێت، بەڵام وەبەرهێنەرەکەی کە ڕووشدی سەعید بوو پڕۆژەکەی جێهێشت و تاوەکو ئێستاش تەواونەکراوە.

چیرۆکی سەرەکی: بەشێک لەو خانووانەی کە لەو پڕۆژە نیشتەجێبووەن بە تەواو نەکراوەی جێهێڵدراون، لە دوای شەڕی دەعشەوە خەڵکی کەمدەرامەتی تێدا نیشتەجێبووە و خاوەنی ڕاستەقینەی خانووەکانیش داوای چارەسەرێک دەکەن. 

لێدوانی فەرمی: ئاڤا بەدواداچوونی بۆ ئەو بابەتە کردووە و سامان عەرەب، بەڕێوەبەری گشتیی وەبەرهێنانی هەولێر لەوبارەیەوە بە ئاڤای ڕاگەیاند: هیچ کەسێک بۆی نییە لە پڕۆژەی دەشتی بەهەشت خانووی هاونشتیمانیان داگیر بکات.

- ئێستا کار لەسەر دەسپێکردنەوەی پڕۆژەکە دەکەین و دەبێت هەموویان پڕۆژەکە چۆڵ بکەن.