لەبارەی زیادبوونی ئاوی زێی بچووكەوە بەرگریی شارستانیی ڕاپەڕین هۆشداریی دەدات

ئاڤا نیوز

بە هۆی كەم و زیادبوونی ئاوی زێی بچووك لە سنووری قەزای پشدەر، هۆشداریی بە هاووڵاتیان دەدرێت.

چیرۆكی سەرەكی: دوێنێ بە هۆی بەردانەوەی ئاو لەلایەن ئێرانەوە، ئاوی چەمی خاس لە سنووری پشدەر لەناكاو زیادی كرد و بووە هۆی ئەوەی ژیانی ئەو كەسانە بكەوێتە مەترسییەوە كە بۆ گەشت و سەیران چووبوونە سەر چەمەكە و ڤیدیۆیەكی ساتی ڕووداوەكەش لەنێو تۆڕە كۆمەڵایەتییەكان بە فراوانی بڵاو بووەوە.

بڵاوكراوەی فەرمی: بەڕێوەبەرایەتیی بەرگریی شارستانیی ڕاپەڕین ڕایگەیاند: حاڵەتەكە لە گوندی كەویە لە كاتی زیادبوونی ئاوی زێی بچووك لەلایەن كۆماری ئیسلامیی ئێرانەوە ڕوویداوە.

- وەک بەرگریی شارستانی چەندین جار هۆشداریمان داوە کە هاووڵاتیان لەناو چەم و ڕووبارەکان دانەنیشن و دوورکەونەوە بەتایبەت چەمی خاس کە بەردەوام ئاوەكەی کەم و زیاد دەکات بە ڕێژەیەک کە دەگاتە حاڵەتی بردنی پرد و ئۆتۆمبێل کە لەنێو چەمەکەدان.

- دانیشتن یان بەسەربردنی کات لە كەناری ئەم چۆمانە مەترسیدارە.