دوای بەدواداچوونێكی ئاڤا 144 گەڵابە زبڵ و خاشاك لە گۆڕەپانێكی هەولێر كۆكرایەوە

ئاڤا نیوز

 

سەرۆكایەتیی شارەوانیی هەولێر ئاشكرای دەكات كە لە گۆڕەپانێك لە یەكێك لە گەڕەكەكانی شارەكە 144 گەڵابە زبڵ و پاشماوە و خاشاك كۆكراوەتەوە.

 

چیرۆكی سەرەكی: لە ڕۆژانی ڕابردوودا فایلی خەڵكی سەعات (7:00)ی ئاڤا میدیا، داواكارییەكی دانیشتووانی گەڕەكی سیمی خاتووناوەی شاری هەولێری خستە ڕوو كە تیایدا داوایان دەكرد گۆڕەپانێكی نێو گەڕەكەكە كە بووەتە شوێنی فڕێدانی زبڵ و خاشاكی خانووبەرە پاك بكرێتەوە، ئاڤا دەنگی ئەوانی بە لایەنی پەیوەندیدار گەیاند.

 

بڵاوكراوەی فەرمی: سەرۆكایەتیی شارەوانی هەولێر ڕایگەیاند: بە سەرپەرشتیی لیژنەكانمان هەڵمەتێكی فراوانی خاوێنكردنەوەی گۆڕەپانێكی گەورە لە گەڕەكی سیمی خاتووناوەی هەولێر ئەنجام درا.

 

- هەڵمەتەكە لەسەر داواكاریی دانیشتووانی گەڕەكەكە، لە ماوەی دوو ڕۆژدا بڕی (144) گەڵابە زبڵ و  پاشماوە و خۆڵ و خاشاکی خانووبەرە لە گۆڕەپانەکە كۆكرایەوە و بۆ شوێنی گونجاو گواسترایەوە.