ئاماری کوژراوانی تووندوتیژییەکانی سووریا بۆ 718 کەس بەرزبووتەوە

ئاڤا نیوز

دوایەمین ئاماری کوژراوانی تووندوتیژییەکانی چەند ڕۆژی ڕابردووی سوەیدا ڕاگەیێنرا.

 

ڕاگەیێنراوی فەرمی: چاودێری مافەکانی مرۆڤی سووریا ڕایگەیاند، 19 کەسی دیکە لە دەورووبەری سوەیدا کوژراون و بەمەش کۆی گشتیی کوژراوەکان لە 13-7-2025ـەوە بۆ 718 کەس بەرز بووەتەوە.

 

زانیاریی زیاتر: بە گوێرەی بەیاننامەکە تووندوتیژییەکان لە سوەیدا بەردەوامن و چەکدارە عەشایرەکان پشتیوانیی زیاتریان بۆ هاتووە و شەڕەکە لە نێوان چەکدارانی عەشایری سوننی و چەکدارانی دروز سەختتر بووە.

 

ئەمەش بزانە: بەردەوامیی تووندوتیژییەکانی سوەیدا لە کاتێکدایە کە حکومەتی سووریا و ئیسرائیل لەسەر ئاگربەست ڕێککەوتوون.

 

ژمارەکان وا دەڵێن: ئامارەکان ئەم دواییەی سووریا بەمشێوەیەیە، 718 کەس کۆی گشتیی کوژراوەکانە،
226 کەس لە خەڵکی پارێزگاری سوەیدا، لە ناویاندا 80 مەدەنی، 4 منداڵ، 4 ژن.

305 کەس لە ئەندامانی وەزارەی بەرگری و ئاسایشی گشتی، لە ناویاندا 18 کەس لە عەشایری بەدەوییەکان.

15 کەس لە وەزارەتی بەرگری و ناوخۆ لە هێرشەکانی ئیسرائیلدا کوژراون.

3 کەس کە یەکێکیان ژنە ناسنامەی دیار نییە و لە هێرشی ئیسرائیل بۆ سەر بارەگای وەزارەتی بەرگری کوژران.

یەک ڕۆژنامەوان لە پێکدادانەکانی سوەیدا کوژراوە.

165 کەس لە ناویاندا 26 ژن و 6 منداڵ و پیاوێکی بەساڵاچوو بە گوللـەی هێزەکانی وەزارەتەکانی بەرگری و ناوخۆ بە شێوەیەکی مەیدانی لەسێدارە دراون.

3 کەس لە چەکدارانی عەشایری بەدەوی لە ناویاندا ژنێک و منداڵێک لەلایەن چەکدارانی دروزەوە بە شێوەیەکی مەیدانی لە سێدارە دراون.