نزیکەی پێنج هەزار فەرمانبەر خانەنشین بوونیان دوادەخرێت

ئاڤا نیوز

نزیکەی پێنج هەزار فەرمانبەر کە بەرواری لەدایکبوونیان 1ـی حەوتە خانەنشین ناکرێن و لەئەرک بەردەوام دەبن و تاوەکو کۆتایی ساڵ بۆیان درێژکراوەتەوە.

وێنە گەورەکە: بەگوێرەی یاسای خانەنشینی یەکگرتووی عێراق، فەرمانبەر لە بەرواری لەدایکبوونی خانەنشین دەبێت، بەڵام بەشێکی ئەو فەرمانبەرانەی سەرەتای ئەمساڵ خانەنشین بوون بەرواری لەدایکبوونیان هەڵەیە و کراونەتە 1ـی حەوت بۆیە خانەنشین بوونیان دوا دەکەوێت.

لێدوانی فەرمی: سەرچاوەیەک لە بەڕێوەبەرایەتی خانەنشینی گشتی هەرێم بە ئاڤای گوت، "نزیکەی پێنج هەزار فەرمانبەر ئەوانەن کە بەرواری لەدایکبوونیان 1ـی حەوتە لە 2025-12-31 خانەشنین دەکرێن و مووچەی خانەنشینیان بۆ دەبەسترێت."

زانیاریی زیاتر: پرۆسەی مامەڵەی خانەنشینانی نوێ خێرا کراوە و لە سەرەتای ئەمساڵەوە مامەڵەی زیاتر لە 22 هەزار کەسیان تەواو بووە، تەنیا نزیکەی پێنج هەزاریش مووچەیان بۆ بەستراوە، 14 هەزار خانەنشینیش هەرچەندە مامەڵەیان تەواو بووە و بۆ بەغدا نێردراوە، بەڵام بەهۆی نەناردنی مووچە تاوەکو ئێستا هیچ مووچەیەکیان وەرنەگرتووە.