لێدوانی نوێی تەیف سامی لەبارەی ناردنی مووچەی خەڵکی کوردستان

ئاڤا نیوز

 

ئەمڕۆ یەکشەممە لیژنەی دارایی پەرلەمانی عێراق میوانداریی تەیف سامی، وەزیری دارایی عێراقی کرد و بەر لە دەستپێکی کۆبوونەوەکە و لە وەڵامی پرسیارێکی ڕۆژنامەنووساندا کە ئایا کەی مووچەی فەرمانبەرانی کوردستان دەنێرێت، تەیف سامی گوتی: "نازانم".

 

وێنە گەورەکە: تەیف سامی، وەزیری دارایی عێراق بۆ سێ تەوەر میوانی لیژنەی داراییە ئەوانیش بریتین لە: ئاستی جێبەجێکردنی کارنامەکانی حکومەت لەبواری دارایی بەگشتی و بەتایبەت پەرەپێدانی بانکەکان، ئاگاداربوون لە خەرجی و داهاتە ڕاستەقینەکان بۆ ساڵانی دارایی (2023 - 2024 - 2025) و ئاگاداربوون لە هۆکارەکانی نەناردنی خشتەکانی بودجەی ئەمساڵ.

 

زانیاریی لە پەیامنێرەوە: تەیف سامی، بەر لە کۆبوونەوەکەی لەگەڵ لیژنەی دارایی وەڵامی پرسیارێکی ڕۆژنامەنووسانی دایەوە سەبارەت بەوەی کەی مووچەی فەرمانبەرانی کوردستان دەنێرێت، لە وەڵامدا تەیف سامی وتی، "نازانم" کەی مووچە دەنێردرێت.

 

لەلایەکی دیکەوە: کۆبوونەوەکەی تەیف سامی و لیژنەی دارایی کاتژمێر: 12:00ی نیوەڕۆ دەستیپێکرد و تیایدا پەرلەمانتاران لە ڕێکار و قۆناغەکانی ئامادەکردنی خشتەی بودجەی 2025 ئاگادار دەکرێنەوە.