دەم پارتی: ئێمە ئیرادەی ملیۆنان کەسین و خۆمان هەڵناوەشێنینەوە

ئاڤا نیوز

دەم پارتی لە وەڵامی پارتێکی تورکیا کە داوای هەڵوەشاندنەوەی دەم پارتی هاوشێوەی پەکەکە کردبوو، ڕاگەیاند، پارتەکەمان هەڵناوەشێتەوە و خەباتمان بەردەوام دەبێت.

چیرۆکی سەرەکی: سەرۆکی پارتی یەکێتی مەزن بەبەپە داوای کردووە، بەس پەکەکە نا، بەڵکو دەبێت پژاک، هەسەدە، پەیەدە، یەپەگەش خۆیان هەڵبوەشێننەوە، هەروەها دەبێت دەم پارتی هاوشێوەی پەکەکە خۆی هەڵبوەشێنێتەوە و پارتێکی نوێ دروست بکات.

ڕاگەیێنراوی فەرمی: دەم پارتی لە ڕاگەیێنراوێکدا وەڵامی بە تووندی وەڵامی قسەیەی دایەوە و ڕایگەیاند: ئێمە ئیرادەی ملیۆنان کەسین، دەم پارتی واتە خەباتی ئاشتی، یەکسانی، دیموکراسی، دادپەروەری یەکسانی خەڵک. تابلۆیەک نییە بەسەر بچێت،  باجی گەورەمان داوە تا گەیشتووین بە ئەمڕۆ.

دەست هەڵگرن لەوەی بە درۆ قسە هەڵبەستن بۆمان بەربەستمان بۆ دروست بکەن، پارتەکەمان هەڵناوەشێتەوە، لەو شوێنەین کە دەبێت لێی بین، بە پێداگرییەوە خەباتمان بەردەوام دەبێت، بەهیچ شێوەیەک هەنگاو بەرەو دواوە نانێین.

ئامۆژگاریمان بۆ ئێوە ئەوەیە مەبن بە وتەبێژی دوژمنکاری بەرامبەر بە کورد، لە بڕی ئەوەی نەفرەت، ڕق و ئەقڵییەتی شەڕ و نەتەوەپەرستی بڵاوبکەنەوە، ببن بە وتەبێژی ئاشتی و دیموکراسی.