لیستی مووچەی مانگی پێنج بڵاوکرایەوە و لە سێ ڕۆژدا دابەش دەکرێت

ئاڤا نیوز

 

وەزارەتی دارایی و ئابووریی هەرێمی کوردستان لیستی مووچەی مانگی پێنجی مووچەخۆرانی بڵاوکردەوە. بەگوێرەی خشتەکە ڕۆژی هەینی، خانەشینی شارستانی، خاوەن پێداویستی تایبەت، زیندانییە سیاسییەکان، بەرکەوتووانی کیمیاباران و کەسوکاری شەهیدان و ئەنفالکراون مووچە وەردەگرن.

 

وێنە گەورەکە: ئەمڕۆ پێنجشەممە 24ـی 7ـی 2025 و دوای 83 ڕۆژ، بەغدا پارەی مووچەی مانگی پێنجی مووچەخۆرانی خستە سەر هەژماری وەزارەتی دارایی و ئابووریی هەرێمی کوردستان کە بڕەکەی نزیکەی 974 ملیار دینارە و بڕیارە لەماوەی سێ ڕۆژدا مووچە دابەش بکرێت.

 

ئەوەی پێویستە بیزانیت: بەگوێرەی ئەو خشتەیەی بڵاوکرایەوە لە سێ ڕۆژدا و لە ڕۆژانی هەینی، شەممە و یەکشەممە مووچەی سەرجەم دەستە و وەزارەتەکان دابەش دەکرێت.

 

ڕاگەیێنراوی فەرمی: وەزارەتی دارایی و ئابووری حکومەتی هەرێمی کوردستان ڕایگەیاند: ڕۆژی پێنجشەممە، بڕی 974 ملیار و 813 ملیۆن دینار وەک شایستەی مووچەی مووچەخۆران خرایە سەر هەژماری بانکی وەزارەتی دارایی و ئابووری لە لقی هەولێری بانکی ناوەندیی عێراق.

 

باكگراوند: بەپێی ئەو ڕێككەوتنەی كە هەفتەی ڕابردوو لەلایەن هەردوو حكومەتی هەرێمی كوردستان و حكومەتی عێراق واژۆ كرا، دەبێت لەمەودوا هەرێمی كوردستان مانگانە 120 ملیار دیناری داهاتی نانەوتی و 230 هەزار بەرمیلی ڕۆژانە بدات بە حكومەتی عێراق لەبەرامبەردا بەغدا مانگانە لە وادەی خۆیدا مووچەی فەرمانبەرانی هەرێمی كوردستان دەنێرێت.

 

خشتەی مووچە، بەگوێرەی ڕاگەیێنراوی وەزارەتی دارایی و ئابووریی هەرێمی کوردستان: