ئاڤا ناوی ئەو فەرمانبەرانە بڵاودەکاتەوە کە لە سنووری قوشتەپە زەوی وەردەگرن

ئاڤا نیوز


سەرووی دوو هەزار فەرمانبەری سنووری قەزای قوشتەپە سەر بە پارێزگای هەولێر، لە هەردوو ڕاژەی سەربازی و مەدەنی، زەوییان بۆ دەرچوو.

چیرۆكی سەرەكی: ئەمڕۆ پێنجشەممە 24/7/2025، ساسان عەونی، وەزیری شارەوانی و گەشتوگوزار و ئومێد خۆشناو، پارێزگاری هەولێر لە ڕێوڕەسمێكدا لە قەزای قوشتەپە، دابەشكردنی زەویان لە قوشتەپە بەسەر سەرجەم فەرمانبەرانی سنوورەكە ڕاگەیاند، تیایدا دووهەزار و 36 فەرمانبەری ئەو سنوورە سوودمەند بوون.

لێدوانی فەرمی: ساسان عەونی، وەزیری شارەوانی و گەشتوگوزار بۆ دەزگەكانی ڕاگەیاندن ڕایگەیاند، سەرجەم ئەو فەرمانبەرانەی دانیشتووی قوشتەپەن و كارتی زانیارییان قوشتەپەیە، لە سنووری شارەوانیی قوشتەپە زەوییان پێ دەدرێت.

زانیاریی زیاتر: دابەشكردنی زەوی دەگاتە قۆناغەكانی كۆتایی لە سەرجەم سەرۆكایەتیی شارەوانییەكان و بەڕێوەبەرایەتیی گشتیی شارەوانییەكان لە هەرێمی كوردستان و هەنگاوی زۆر باشی هاویشتووە.

لەلایەكی دیكەوە: ئومێد خۆشناو، پارێزگاری هەولێر ڕایگەیاند، دوای 15 ساڵ لە وەستاندنی دابەشكردنی زەوی، بە هەوڵ و دەستپێشخەری سەرۆكی حكومەتی هەرێمی كوردستان جارێكی دیكە دەیان هەزار فەرمانبەر لە وەرگرتنی زەوی سوودمەند دەبن.

لێرەوە دەتوانیت ناوەکان بخوێنیتەوە: