بافڵ تاڵەبانی: هەموو هەوڵێكمان بۆ ئەوەیە بەر لە هەڵبژاردن كابینەی نوێی حكومەت پێكبهێنین

ئاڤا نیوز

بافڵ تاڵەبانی دەڵێت، هەموو هەوڵێكمان بەو ئاراستەیەیە كە كابینەی نوێی حكومەتی هەرێمی كوردستان، بەر لە هەڵبژاردنی پەرلەمانی عێراق پێكبهێنین. دووپاتیشی دەكاتەوە ئەو ڕێككەوتنەی لەنێوان هەولێر و بەغدا بەدیهات، بەرهەمی هەوڵ و یەكڕیزیی ناوماڵی كورد بوو.

 

چیرۆكی سەرەكی: ئەمڕۆ لە دەباشان، بافڵ تاڵەبانی، سەرۆكی یەكێتیی نیشتمانیی كوردستان، پێشوازی لە یان برێم، كۆنسوڵی گشتیی فەرەنسا لە هەرێمی كوردستان كرد، لە دیدارێكدا، گۆڕانكارییە سیاسی و ئەمنییەكانی ناوچەكە تاوتوێ كران و جەخت لە بەردەوامیی گفتوگۆی بونیادنەرانەی نێوان سەرجەم لایەنەكان كرایەوە بۆ زاڵبوون بەسەر ئاڵنگارییەكان و پاراستنی سەقامگیریی هەرێمی كوردستان و عێراق.

 

لێدوانی فەرمی: بافڵ تاڵەبانی ڕایگەیاند، "هەموو هەوڵەكانمان بەو ئاڕاستەیەن كە حكومەتی نوێ پێش هەڵبژاردنی عێراق پێكبهێنین، لەپێناو بەهێزكردنی هەرێمی كوردستان و زیاتر خزمەتكردنی هاووڵاتیان.

 

لەلایەكی دیكەوە: کۆنسوڵی گشتیی فەڕەنسا لە هەرێمی کوردستان پێشوازیی لە چارەسەركردنی كێشەی مووچەخۆرانی هەرێمی كوردستان كرد و پشتیوانیی وڵاتەكەشی بۆ پاراستنی دیالۆگی نیشتمانیی نێوان لایەنەكان، دووپاتكردەوە.