کۆمیسیۆن دەرگای چاودێری بۆ هەڵبژاردنی پەرلەمانی عێراق دەکاتەوە

ئاڤا نیوز

لەچوارچێوەی ڕێککارەکانی بەڕێوەچوونی پرۆسەی هەڵبژاردنی پەرلەمانی عێراق، کۆمیسیۆنی باڵای هەڵبژاردنەکان، پابەندبوونی خۆی بەکردنەوەی دەرگای خۆتۆمارکردنی بەڕووی چاودێرانی ناوخۆیی و نێودەوڵەتیدا دووپاتکردەوە.  

وێنە گەورەکە: بڕیارە 11 تشرینی دووەمی ئەمساڵ هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت،  بۆ ئەم مەبەستە کۆمیسیۆن بەپێی خشتەی ئامادەکارییەکانی هەڵبژاردن، دەستی بە جێبەجێکردنی ڕێککار و ئامادەکارییەکان کردووە.

لێدوانی فەرمی: حەسەن هادی زایەر، ئەندامی تیمی ڕاگەیاندنی کۆمسیۆن، ڕایگەیاند: کۆمئسیۆن ڕێنماییەکانی متمانە بەخشینی بە چاودێرانی نێودەوڵەتی و ناوخۆیی و ڕۆژنامەنووسانی ناوخۆ و دەرەوەی عێراقی پەسەند کردووە.

زانیاریی زیاتر: زایەر جەختیشی کردەوە، کە دەرگای کۆمیسیۆن بەڕووی هەموو لایەنە چاودێرە باوەڕپێکراوەکاندا لە کاتی بەڕێوەچوونی پرۆسەی هەڵبژاردندا کراوە دەبێت.

 
ئەمەش بزانە: ئەو ئەندامەی تیمی ڕاگەیاندنی کۆمسیۆن ئاماژەی بەوەشکرد،  نێردەی نەتەوە یەکگرتووەکان (یونامی) ڕۆڵی لە هەماهەنگی و پێشکەشکردنی پشتیوانیی تەکنیکی بۆ بەرزکردنەوەی ئاستی کارایی پرۆسەی هەڵبژاردن دەبێت.