لەسەر دۆزینەوەی تەرمێک لە سەیدسادق لێدوانی جیاواز دەدرێت

ئاڤا نیوز

تەرمی هاووڵاتییەک لە نزیک قەزای سەیدسادق دەدۆزێتەوە و لایەن پەیوەندیدارەکانیش تاوەکو ئێستا هیچ زانیارییەکیان پشتڕاست نەکردووەتەوە.

زانیاریی پەیامنێر: ئاراس ڕەفیق، پەیامنێری ئاڤا لە پارێزگای هەڵەبجە ڕایگەیاند: سەرچاوەیەک باس لەوەدەکات کە تەرمی ئەو هاووڵاتییەی دۆزراوەتەوە ناوی "بەرزانە" لە نزیل گوندی تەپەڕەشی قەزای سەیدسادق دۆزراوەتەوە، ئاژەڵدارە و خەڵکی گەرمیانە. 

سەرچاوەیەکی دیکەش باس لەوەدەکات، تەرمی ئەو کەسە لەناو حەفارەیەکدا دۆزراوەتەوە و شوێنەواری لێدان بە 'خاکەناس' بە جەستەیەوە دیارە. 

زانیاریی زیاتر: سەرەڕای هەموو ئەو زانیاریە نافەرمییانە، تاوەکو ئێستا نەخۆشخانەی شەهید شەوکەت و پۆلیس هیچ ڕوونکردنەوەیەکیان لەبارەیەوە نییە.