شاندێکی عێراق گەیشتە تورکیا

ئاڤا نیوز

 

شاندێکی عێراقی بە سەرۆکایەتی ڕاوێژکاری سەرۆکوەزیران بۆ کاروباری گواستنەوە گەیشتە ئەنقەرە بۆ بەدواداچوون لە 'پرۆژەی ڕێگەی گەشەپێدان'.

 

ئەوەی پێویستە بیزانیت: وەزارەتی دەرەوەی عێراق ڕایگەیاند: شاندێکی عێراقی بە سەرۆکایەتی ناسڕ ئەسەدی، ڕاوێژکاری سەرۆکوەزیران بۆ کاروباری گواستنەوە و بە یاوەری یوونس خالد جەواد، بەڕێوەبەری گشتیی کۆمپانیای گشتیی هێڵی ئاسن و سەفا جەبار ناسر، بەڕێوەبەری پرۆژەی ڕێگەی گەشەپێدان گەیشتنە ئەنقەرەی پایتەختی تورکیا.

 

ڕاگەیێنراوی فەرمی: ئەمڕۆ شاندەکە لەگەڵ لایەنی تورکی کۆدەبێتەوە بەمەبەستی بەدواداچوون بۆ پێشکەوتنەکانی جێبەجێکردنی "پرۆژەی ڕێگەی گەشەپێدان" و تاوتوێکردنی ڕێکارەکان و ڕێککەوتنەکان لەگەڵ لایەنی تورکی بۆ دەستپێکردنی دروستکردنی ڕێگەکە و بەستنەوەی خاڵەکان.

 

لەلایەکی دیکەوە: لە ماوەی ڕابردوودا، عەبدولقادر ئورالئۆغلو، وەزیری گواستنەوە و ژێرخانی تورکیا ڕایگەیاند، نووسینگەیەکی هاوبەش بۆ "ڕێگەی گەشەپێدانی  تورکیا - عێراق" دەکرێتەوە.