پزیشکیان چەند نهێنییەک لەسەر بۆردومانی ئیسرائیل ئاشکرا دەکات

ئاڤا نیوز

مەسعود پزیشکیان، نهێنییەکی کاتی جەنگی نێوان ئیسرائیل و ئێران ئاشکرا دەکات و دەڵێت: گەر ئەوکاتە شەهیدبووینایە وڵات دەکەوتە دەست دوژمنان. 

چیرۆکی سەرەکی: جەنگی نێوان ئیسرائیل و ئێران بۆ ماوەی 12 ڕۆژی بەردەوام بوو، بەڵام دواتر بە دەستێوەردانی ڕاستەوخۆی ئەمریکا ئاگربەست هاتەئاراوە، ئێستا و دوای چەند مانگێک لە وەستانی جەنگ سەرۆککۆماری ئەو وڵاتە چەند نهێنییەک ئاشكرا دەکات. 

لێدوانی فەرمی: مەسعود پزیشکیان ڕایگەیاند: لەکاتی هێرشی ئیسرائیل بۆ سەر وڵاتەکەمان، هەموو بەرپرسە باڵاکان و چەندین وەزیر و فەرماندە سەربازییەکان لە کۆبوونەوەیەکی گەورەدا بووین. 

- ئەگەر لەکاتی هێرشەکەدا شەهیدبووینایە سەربەرزی بوو بۆ ئێمە، بەڵام بە دڵنیاییەوە هاووڵاتییانمان نیگەران دەبوون چونکە وڵات دەکەوتە دەست دوژمنانمان. 

- هەر لەکاتی هێرشەکاندا دەرچەیەکی بچووکم بینی، بۆیە لەوکاتەدا وتم تەواو ئێمە ناخنکێین و ڕزگارمان دەبێت. 

زانیاریی زیاتر: پێشتر ئاژانسی هەواڵی فارس ڕایگەیاندبوو: ئەو باڵەخانەی کۆبوونەوەی حکومەتی ئێرانی تێدا ئەنجامدا، لەلایەن ئیسرائیلەوە بە شەش مووشەک بۆردومان کراوە، بەڵام کەس تووشی زیان نەبووە بەهۆیەوە.