لە پەرلەمانی ئێران بەکارهێنانی مۆبایل قەدەغە دەکرێت

ئاڤا نیوز

پەرلەمانی ئێران لە هەنگاوێکی نوێدا و بەمەبەستی بەرزکردنەوەی لایەنی پارێزراوی دۆخی ئەمنیی، بەکارهێنانی مۆبایل لە پەرلەمانتاران قەدەغە دەکات. 

چیرۆکی سەرەکی: لە دوای جەنگی 12 ڕۆژەی نێوان ئیسرائیل و ئێران، تاران تاوەکو ئێستا چەندین ڕێوشوێنی خۆپارێزی گرتووەتەبەر، لە نوێترین هەنگاویدا پەرلەمانی ئێران بەکۆی دەنگی ئەندامانی بەکارهێنانی مۆبایلی لەناو هۆڵی پەرلەمان قەدەغە کرد. 

بڵاوکراوەی فەرمی: ئاژانسی هەوڵی تەسنیم بڵاویکردەوە، رۆژی یەکشەممە، محەممەد باقر قاڵیباف، سەرۆکی پەرلەمانی ئێران ڕایگەیاند: پەسندکردنی ئەو یاسایە لەپێناو پاراستنی سەلامەتییە و هەر کەسێک پێشلی بکات سزای خۆی هەیە. 

لەلایەکی دیکەوە: حەمیدڕەزا گۆدەرزی، پەرلەمانتاری ئێران ڕایگەیاند، دەبێت ئەو یاسایە هەڵبوەشێتەوە، چونکە پێویستە ئاگاداریی داواکاریی هاووڵاتییان بین، ئەگەر ئەمە بەردەوام بێت دەرخەری ئەوەیە مۆساد جگە لە هێرشی ئاسمانی، چالاکی لەنێو تۆڕەکانی موبایلیشدا هەیە. 

ئەمەش بزانە: ئەمە لە کاتێکدایە کە مەهدییە شادمانی، کچی عەلی شادمانی فەرماندەی کوژراوی بارەگای ناوەندی خاتم ئەنبیا ڕایگەیاند: باوکم ئامێری پەیوەندی بەکارناهێنێت لە هیچ شوێنێکی نیشتەجێبوونی جێگیری وەک ماڵ یان کۆبوونەوەکانی بەڵام دوای کوژرانی باوکی لەلایەن ئیسرائیلەوە  گوتی: "بەدواداچوونی ئیسرائیل لە واتس ئەپ و سیخوڕی تاکەکان تێپەڕیووە هاتووەتە نێو ماڵەکانمان".