ئاڤا نیوز نهێنی پاڵپشتیکردنی ئەردۆغان لە مورات کوڕوم ئاشکرا دەکات

ئاڤا نیوز

 

ئەردۆغان پاڵپشتییەکی زۆر لە بەربژێرەکەی ئاکپارتی بۆ پۆستی گەورە شارەوانیی ئیستەنبووڵ دەکات و داواشی لە دەنگدەرانی پارتەکەی کردووە دەنگی پێ بدەن. 

 

چیرۆکی سەرەکی: سەرچاوەیەکی نزیک لە سەرۆکایەتیی کۆماری تورکیا بۆ ئاڤا ئاشکرای کرد، مورات کوڕوم بەتایبەت بۆ ئەو پۆستە دەستنیشان کراوە، چونکە یەکێکە لەو کەسانەی "هیچ قسەیەکی ئەردۆغان ناکات بە دوو" و بەتەواوی گوێڕایەڵی فەرمانەکانیەتی.

 

ئەوەی لەبارەیەوە دەگوترێت: سەرەڕای ئەوەی کوڕوم بەرامبەر ئەکرەم ئیمام ئۆغڵو بەربژێرێکی بەهێز نییە و پێگەیەکی جەماوەری گەورەی نییە، بەڵام ئەردۆغان لە کۆبوونەوە جەماوەرییەکاندا، داوای لە دەنگدەران کردووە دەنگی پێ بدەن.

 

ئەوەی پێویستە بیزانیت: ئەو کەسەی دەبێت بە سەرۆکی شارەوانیی ئیستەنبووڵ، پێویستە لەژێر فەرمانی سەرۆکایەتیی کۆماردا بێت؛ ئەردۆغان پێیوایە کوڕوم کەسێکی شیاوە و بۆیەش بەربژێری کردووە.

 

ئەمەش بزانە: لە هەڵبژاردنی ڕابردوو، بەربژێری ئاکپارتی ئەو پۆستەی لە بەرامبەر بەربژێری جەهەپە لەدەستدا؛ بۆ ئەم هەڵبژاردنەش کوڕوم لەگەڵ ئەکرەم ئیمام ئۆغڵوی بەربژێری جەهەپە، لە ململانێیەکی سەختدا دەبێت. 

 

زانیاریی زیاتر: موڕات کوڕوم تەمەنی 51 ساڵە و بەربژێری ئاکپارتییە بۆ پۆستی گەورە شارەوانیی ئیستەنبووڵ، سیاسەتمەدار و ئەندازیاری بیناسازییە.