ژمارەی بەکارهێنەرانی پلاتفۆرمی ئێكس لە ئەمریكا کەم دەبێتەوە

ئاڤا نیوز

 

لە سەرتاسەری جیهان و ئەمریکا بەتایبەتی، بەکارهێنەرانی پلاتفۆرمی ئێکس کەمی کردووە و لە ماوەی ساڵێکدا 15%ـی بەکارهێنەرانی لەدەستداوە.

 

وێنە گەورەکە: زیاتر لە ساڵێکە ئیلۆن مەسک، سەرمایەداری ئەمریکی پلاتفۆرمی ئێکس "توویتەری پێشوو"ـی کڕیوە، بەڵام بەپێی توێژینەوە بڵاوکراوەکان، بەکارهێنەرانی ئەو پلاتفۆرمە کەمی کردووە بە تایبەت لە ئەمریکا. 

 

بڵاوكراوەی فەرمی: بەپێی ئەو توێژینەوانەی لەسەر ئێكس لە ئەمریكا كراون، ئەو پلاتفۆرمە لە ماوەی ساڵێکدا 27 ملیۆن بەكارهێنەری لەدەستداوە؛ لەکاتێکدا تاوەکو كۆتایی ساڵی 2023 لە سەرتاسەری ئەو وڵاتەدا 95 ملیۆن بەكارهێنەری هەبوو.

 

زانیاریی زیاتر: لە سەرتاسەری جیهاندا، ئێكس 556 ملیۆن بەكارهێنەری هەیە و بە بەراورد بە ساڵی رابردوو 15% كەمی كردووە.