بەرزبوونەوەی پلەكانی گەرما هەڕەشە لەسەر خلیسكێنەی سەر بەفر دەكات

ئاڤا نیوز 

گۆڕانکارییەکانی کەشوهەوا، کاریگەری خراپیان لەسەر یارییەکانی سەربەفر و خلیسکێنە و یارییە جیاوازییەکانی ناوچە بەستەڵەکەکان دروستکردووە.

چیرۆکی سەرەکی: لە چەندین شوێن لە ناوچە ساردەکان و ناوچە بەستەڵەکەکان لە جیهان، یاری خلیسکێنەی سەربەفر و چەندین یاری دیکە دەکرێت، بەهۆی بەرزبوونەوەی پلەکانی گەرماوە، ئاستەنگی بۆ ئەو جۆرە یاریانە درووستبووە، گۆڕانی کەشو هەوا کاریگەری خراپی لەسەر دروستکردوون.

ئەوەی پێویستە بیزانیت: کۆمپانیا گەورەکانی بواری یاری سەر بەفر وخلیسکێنەکان، بە دروستکردنی بەفری دەستکرد و گەشەپێدانی خۆگونجاندن لەگەڵ کەشوهەوا و باشترکردنی دۆخی کەش و هەوا، دەیانەوێت دۆخی ئاڵۆزی یارییەکان چارەسەر بکەن.

ئەمەش بزانە: ساڵانە دەیان هەزار گەشتیار سەردانی شوێنە ساردەکان دەکەن، بە مەبەستی ئەنجامدانی یاری خلیسکەنەی سەر بەفر.

بۆچی گرنگە: یارییەکانی خلیسکێنەی سەر بەفر لە جیهاندا هەوادارێکی زۆری هەیە، هەروەها هۆکاری پەیداکردنی داهاتێکی زۆرە بۆ بەشێک لەو کۆمپانیا و وڵاتانەی کە یارییەکان دەکەن، هەر لەبەر ئەوەش دەیانەوێت لەگەڵ گۆڕانی کەش و هەوا خۆیان بگونجێنن.