ئاڤا مەرجەكانی ناردنی مووچەی مانگی شەش بڵاو دەكاتەوە

ئاڤا نیوز

ئەنجوومەنی وەزیرانی عێراق بڕیاری خەرجكردنی مووچەی مانگی شەشی فەرمانبەرانی هەرێمی كوردستانی دا، بەڵام بە مەرج.

زانیاریی پەیامنێر: دەروون مەلا ناجی، پەیامنێری ئاڤا لە بەغدا ڕایگەیاند: لە كۆبوونەوەكەدا ئاماژە بە دوو خاڵ دراوە ئەوانیشی بریتین لە ناردنی 120 ملیار دیناری داهاتی نانەوتی لەلایەن هەرێمی كوردستانەوە، هاوكات دەبێت وەزارەتی دارایی هەرێمی كوردستان لە دوو بۆ سێ ڕۆژی داهاتوو بە لیست پۆلێنی سەرچاوەكانی داهاتی نانەوتیی بكات و لە ناوەڕۆكدا ئاماژە بە هەر بوارێك بدات و بۆ وەزارەتی دارایی عێراقی بنێرێت.

لەلایەكی دیكەوە: شوان كەلاری، پەرلەمانتاری عێراق لە فراكسیۆنی پارتی بە ئاڤای ڕاگەیاند: ئەگەر سبەی و دووسبەی پارەكە نەنێردرێت بە دڵنیاییەوە سەرەتای هەفتەی داهاتوو بەغدا پارەكەی مووچەی مانگی شەشی فەرمانبەرانی هەرێمی كوردستان خەرج دەكات.