دووەم کاروانی سەربازیی ئەمریکا عێراق بەرەو سوریا جێدەهێڵێت

ئاڤا نیوز

لەماوەی کەمتر لە 24 کاتژمێردا، دووەم کاروانی سەربازیی ئەمریکا عێراقیان بەرەو سووریا جێهێشت.

چیرۆکی سەرەکی: ئەمڕۆ سێشەممە 19ـی ئابی 2025، بەشێکی دیکەی هێزەکانی ئەمریکا لە بنکەی سەربازیی عەین ئەسەد لە ڕۆژئاوای عێراقەوە بەرەو بنکەکانیان بەرەو شاری حەسەکەی سووریا جووڵەیان پێکراوە.

زانیاریی بەدەستهاتوو: سەرچاوەیەکی ئاگادار ئاشکرای کرد، ئێوارەی ئەمڕۆ کاروانێکی سەربازیی کە لە چەندین بارهەڵگر پێکهاتبوو و لەلایەن هێزێکی شەڕکەرەوە پاڵپشتی دەکرێت، جووڵەی کردووە وەک هەوڵێک بۆ چۆڵکردنی هێز و کەرەستە سەربازییەکانی نێو بنکەکە.

ئاماژەی بەوەش کرد، هەرچەندە کاروانەکەی ئەمڕۆ لە ڕووی قەبارەوە لە دوو کاروانەکەی دوێنێ بچووکترە، بەڵام ئاماژەیە بۆ دەستپێکردنی پڕۆسەی کشانەوەی قۆناغ بە قۆناغی هێزەکانی ئەمریکا لە عێراق.

ئەوەی پێویستە بیزانیت:  بنکەی عەین ئەسەد لە دوای بنکەی بەلەد بە دووەم گەورەترین بنکەی ئاسمانی لە عێراقدا دادەنرێت  و وەک بارەگای سەرەکیی فیرقەی حەوتی سوپای ئەمریکا کار دەکات، بنکەکە دەکەوێتە ناحیەی بەغدادیی سەر بە پارێزگای ئەنبار.

باکگراوند: بەغدا و واشنتن لە کۆتایی مانگی ئەیلوولی ڕابردوودا ڕێککەوتن لەسەر دیاریکردنی وادەیەکی فەرمی بەمەبەستی کۆتاییهێنان بە ئەرکی هاوپەیمانیی نێودەوڵەتی دژی داعش لە وڵاتەکەدا.