ڕێگەیەكی سەیر بۆ شاردنەوەی ماددەی هۆشبەر لە عێراق ئاشكرادەبێت

ئاڤا نیوز

دەزگای ئاسایشی نیشتیمانی عێراق، ڕێگەیەکی سەیری هێنان و بردنی ماددەی هۆشبەر لەنێوان چەند پارێزگایەکی عێراق ئاشکرادەکات، کە باندێکی 11 کەسی بوون.

ڕاگەیێنراوی فەرمی: دەزگای ئاسایشی نیشتیمانی عێراق ڕایگەیاندووە ئەو تۆمەتبارانە لە چوارچێوەی باندێکدان و لە پارێزگاکانی بەغدا و بەسرە و دیوانییە و کوت چالاک بوون.

زانیاریی زیاتر: ئەو کەسانەی دەستگیرکراون ماددەی کریستاڵیان لەنێو گوێزدا شاردووەتەوە، ناوکی گوێزەکەیان دەرهێناوە و لەبری ئەوە ماددەی هۆشبەریان تێکردووە.

وێنە گەورەکە: ماددەی هۆشبەر لە عێراق تادێت بەکارهێنان و بازرگانیکردن پێوەی زیاتر دەبێت، ڕۆژانە دەزگا ئەمنییەکانی عێراق دەستگیرکردنی باند و بەکارهێنەرانی ڕادەگەیێنن.