نرخی زێڕ جارێکی دیکە بەرزدەبێتەوە

ئاڤا نیوز

لە بازاڕەکانی هەرێمی کوردستان جارێکی دیکە نرخی زێڕ هەڵکشا، ئەندامێکی سەندیکای زێڕەنگەرانی هەولێر دەڵێت 'ڕێکنەکەوتنی ڕووسیا و ئۆکرانیا بۆ ڕاگرتنی شەڕ کاریگەری لەسەر نرخی زێڕ هەبوو'.

لێدوانی فەرمی: سەفین وەرتی، ئەندامی سەندیکای زێڕەنگەرانی هەولێر بە ئاڤا میدیای ڕاگەیاند: هەر ئۆنسەیەک زێڕ 27 دۆلار بەهای بەرزبووەتەوە، یەک مسقاڵ زێڕیش 10 هەزار دینار نرخی بەرزبووەتەوە.

هۆکارە زانراوەکان: ڕێکنەکەوتنی ڕووسیا و ئۆکرانیا بۆ ڕاگرتنی شەڕ، لەلایەک و  بەرزبوونەوەی بەهای دۆلار بەرامبەر دیناری عێراقی، لەلایەکی دیکە، کاریگەرییان لەسەر زیادبوونی نرخی زێڕ هەبووە.

زانیاریی زیاتر: نرخی زێڕ لە بازاڕەکانی هەرێمی کوردستان کە لەسەر نرخی دۆلار بەرامبەر بە 143 هەزار دینار دیاریکراوە، بەم جۆرەیە.

٠ مسقاڵێک زێڕی عەیار 22 بە 707 هەزار دینارە

٠ مسقاڵێک زێڕ عەیار 21 بە 675 هەزار دینارە

٠ مسقاڵێک زێڕ عەیار 18 بە 578 هەزار دینارە

٠ یەک ئۆنسە زێڕ سێ هەزار و 348 دۆلارە