شاندێکی هەولێر بۆ یەکلاییکردنەوەی پرسی هەناردەی نەوت سەردانی بەغدا دەکات

ئاڤا نیوز

سەرەتای هەفتەی داهاتوو جارێکی دیکە شاندی هەرێمی کوردستان سەردانی بەغدا دەکاتەوە، گفتوگۆ لەسەر پرسی دەستپێکردنەوەی هەناردەی نەوتی هەرێمی کوردستان لەڕێگەی کۆمپانیای سۆمۆ دەکەن.

چیرۆکی سەرەکی: شاندی باڵای هەرێمی کوردستان دوای سێ ڕۆژ مانەوە و گفتوگۆی چڕ و پڕ لەگەڵ شاندی باڵای بەغدا، سەبارەت بە داهاتی نانەوتی، هەناردەی نەوت و بەدیجیتاڵیکردنی مووچەی مووچەخۆران گەڕانەوە.

زانیاریی تایبەت: سەرچاوەیەک لە وەزارەتی دارایی و ئابووری هەرێمی کوردستان بە ئاڤای گوت، "لەسەر زۆرینەی پرسەکان گفتوگۆی ئەرێنی کراوە و هەنگاوی باش نراوە، ئەوەی ماوەتەوە یەکلاییکردنەوەی پرسی دەستپێکردنەوەی هەناردەی نەوت و چارەسەری کێشەی کۆمپانیاکانە، کە هەفتەی داهاتوو بابەتی گەرمی سەرمێزی گفتوگۆکان دەبێت."

ئەوەی پێویستە بیزانیت: وەزارەتی دارایی عێراق بۆ خەرجکردنی مانگی شەش، چاوەڕوانی نووسراوی بڕیاری ئەنجوومەنی وەزیرانە، چاوەڕوان دەکرێت لە زووترین کاتدا نووسراوەكە بكرێت.