کۆبوونەوەی شاندی هەرێمی کوردستان لە بەغدا بەردەوام دەبێت

ئاڤا نیوز

شاندی هەرێمی کوردستان لەبەغدا ماونەتەوە، بە ئامانجی گەیشتن بەڕێککەوتن لەسەر ئەو پرسانەی کە ماون، بڕیارە شاندەکە چاویان بەبەرپرسێکی باڵای حکومەتی عێراق بکەوێت.

وێنە گەورەکە: ڕێککەوتنی نێوان هەولێر و بەغدا لە قۆناغی کۆتاییدایە و نووسراوی فەرمی بۆ خەرجکردنی مووچەی مانگی شەش ئاراستەی وەزارەتی دارایی عێراق کراوە و چاوەڕوان دەکرێت لەم هەفتەیەدا مووچەی مانگی شەشی فەرمانبەرانی هەرێمی کوردستان خەرج بکرێت.

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان؛ بە ئاڤای گوت، "شاندی هەرێمی کوردستان لە بەغدا ماونەتەوە و کۆبوونەوەکانیان بەردەوام دەبێت، ئەگەر هەیە ئەمڕۆ چاویان بە د.فواد حسێن، وەزیری دەرەوە و جێگری سەرۆکوەزیرانی عێراق بکەوێت."

ئەمەش بزانە: لە گفتوگۆی نێوان شاندەکان کە ڕۆژانی ڕابردوو کراون پرسی نەوت و داهاتی گومرگی یەکلایی کراوەتەوە و گفتوگۆ لەسەر باج و ڕسوماتی وەزارەتەکان دەکرێت.