چیرۆکێکی تەواو جیاواز: دوو منداڵ ڕۆژانە دوو بوتڵ غاز هەڵدەمژن

ئاڤا نیوز

 

لە گەڕەکێکی کۆمەڵگەی تۆپزاوای سەر بە شارۆچکەی خەبات، خێزانێک کە لە بارودۆخێکی زۆر ناهەمواردا دەژین، دوو منداڵیان هەیە کە ماوەی دوو مانگە خوویان بە هەڵمژینی غازی ماڵانەوە گرتووە و ڕۆژانە بوتڵێک غاز تەواو دەکەن.

بەدواداچوونی ئاڤا: ڕزگار کۆچەر، سەردانی ماڵی ئەم خێزانەی کردووە و لە نزیکەوە شایەتی ئەم کارەساتە بووە. باوکی خێزانەکە، ناوی ئازادە و تەمەنی 45 ساڵە، دوو کوڕی هەیە بە ناوەکانی ئەنەس و مالیک، کە تەمەنیان 10 و 13 ساڵە. بە وتەی باوکیان، ئەم دوو منداڵە ماوەی دوو مانگە دەستیان بە هەڵمژینی غاز کردووە.

 

ئەم منداڵانە ڕۆژانە بوتڵێک غازی ماڵان هەڵدەمژن و بە شێوەیەکی ترسناک تووشی ئالوودەبوون بوون. ئەگەر غازیان لێببڕێت، دەکەونە حاڵەتێکی شێت و هارییەوە و بە ئاسن و بەرد لە بوتڵە غازەکان دەدەن و بە گریان و هاوار داوای غازی تر دەکەن.

ئەوەی پێویستە بیزانیت: پێش ئەوەی خوو بە غازەوە بگرن، میوزیکیان بە دەنگی بەرز لێدەدا و سپیکەری گەورەیان بەکاردەهێنا، کە ئەمەش نیشانەیەک بووە لە تێکچوونی باری دەروونییان. دایکی منداڵەکانیش دۆخی منداڵەکانییەوە باری دەروونی زۆر ناجێگیرە.

لەلایەکی دیکە: دیوارەکانی ماڵەکەیان پڕ کراوە لە نووسین و خەتی جۆراوجۆر کە بە بۆیە کێشراون، زۆربەیان وێنەی سەری کۆتر و کەروێشکن. ئەمەش ڕەنگدانەوەی باری دەروونی ناجێگیری منداڵەکانە. یەکێکی تر لە لایەنە دڵتەزێنەکانی ئەم چیرۆکە ئەوەیە کە منداڵەکان ماوەی دوو ساڵە خۆیان نەشۆردووە، کە ئەمەش کاریگەرییەکی زۆر خراپی لەسەر تەندروستی و پاکوخاوێنییان داناوە.

هەروەها، منداڵەکان گۆشت هەر بە خاوی دەخۆن، و دراوسێیەکیان باس لەوە دەکات کە بینیویانە مشک و مارمێلکەشیان خواردووە، کە ئەمەش نیشانەیەکی تری تێکچوونی باری تەندروستی و دەروونییانە و پێویستی بە دەستێوەردانی خێرا هەیە.