نەتەوە یەکگرتووەکان: چارەکێکی دانیشتووانی جیهان بێ ئاوی تەندروستن

ئاڤا نیوز

دوو ئاژانسی سه‌ر به‌ نه‌ته‌وه‌ یه‌كگرتووه‌كان ئاشکرای دەکەن، زیاتر لە دوو ملیار کەس لە جیهاندا کە نزیکەی چارەکێکی دانیشتووانی جیهانە، دەستیان بە ئاوی خواردنەوە لە سەرچاوەی تەندروست ناگات.

بڵاوکراوەی فەرمی: ڕێكخراوی ته‌ندروستیی جیهانی و سندووقی نه‌ته‌وه‌ یه‌كگرتووه‌كان بۆ منداڵان (یونیسێف)، ڕایانگه‌یاند، كه‌می خزمه‌تگوزارییه‌كانی ئاوی خاوێن و ته‌ندروستیی پێویست له‌ كۆمه‌ڵگه‌كاندا تا دێت مه‌ترسییه‌كانیان زیاتر ده‌بێت و له‌ ئه‌نجامدا چه‌ندین ملیار كه‌س تووشی نه‌خۆشییه‌ جۆراوجۆره‌كان ده‌بن.

ژمارەکان وادەڵێن: هەردوو ڕێکخراوەکە دەڵێن، دوو ملیار و 100 ملیۆن كه‌س له‌سه‌ر ئاستی جیهان له‌ ساڵی 2024ـدا کە نزیکەی چارەکێکی دانیشتووانی جیهان پێكده‌هێنن، دەستیان بە ئاوی پاكی خواردنەوە ناگات، ئه‌مه‌ش تا دێت مه‌ترسییه‌كانی زیاتر ده‌بێت و ژماره‌كه‌ش له‌ به‌رزبوونه‌وه‌ی به‌رده‌وامدایه و هه‌وڵه‌كان بۆ كه‌مكردنه‌وه‌ی ئه‌م ڕێژه‌یه‌ له‌ ئاستی پێویستدا نین.