لیژنەی دارایی پەرلەمان: پارەی نەختینە بۆ زیادە مووچە و پلە بەرزکردنەوەی فەرمانبەران نییە

ئاڤا نیوز

 

لیژنەی دارایی پەرلەمانی عێراق ئاشکرای کرد، مووچەی فەرمانبەران بۆ ئەمساڵ مسۆگەر کراوە، بەڵام پارەی نەختینە بۆ زیادە مووچە و پلە بەرزکردنەوەی فەرمانبەران نییە.

 

وێنە گەورەکە: لە سەرەتای مانگی ئابدا، محەممەد شیاع سوودانی، سەرۆکوەزیرانی عێراق، فەرمانی بە وەزارەتی دارایی کردبوو دەست بە بەرزکردنەوەی پلەبەندی، زیادە مووچەی ساڵانە و بڕوانامە بەدەستهاتووەکان لە کاتی خزمەتدا بکات، دوای ئەوەی لە سەرەتای ئەمساڵەوە بە بیانووی پەسەند نەکردنی یاسای بودجە ڕاگیرابوون.

 

لێدوانی فەرمی: مستەفا گەرعاوی، ئەندامی لیژنەی دارایی پەرلەمانی عێراق، ڕایگەیاند: مووچەی فەرمانبەرانی عێراق بۆ ئەمساڵ دابین کراوە، بەڵام کێشەیەک لەبارەی دابینکردنی نەختینە بۆ زیادە مووچە و بەرزکردنەوەی پلەبەندییەکان هەیە.

 

زانیاریی زیاتر: سەبارەت بە بڕیارەکەی حکومەت بۆ دەستپێکردنەوەی پلەبەندیی فەرمانبەران و زیادە مووچەکانیان، گەرعاوی، جەختی لەوە کردەوە، ڕەنگە ئەم بڕیارە تەنیا بۆ کپکردنی دەنگی شەقام و سەرقاڵکردنی دامودەزگا حکومییەکان و فەرمانبەرانیان بێت.