دەستەی ژینگە داوای بەخۆداچوونەوە لە بەفیڕۆدان دەكات

ئاڤا نیوز

دەستەی پاراستن و چاککردنی ژینگەی هەرێمی کوردستان له‌ ڕۆژی نێوده‌وڵه‌تیی بۆ به‌ڕه‌نگاربوونه‌وه‌ی به‌فیڕۆدان، ڕایگەیاند "پێویسته‌ له‌سه‌ر هه‌ر تاکێک به‌خۆداچوونه‌وه‌ به‌و شێوازه‌ هه‌ڵه‌یه‌ی ڕه‌فتاریدا بکات کە خۆی لەگەڵیدا ڕاهێناوە".

ڕاگه‌یێنراوی فه‌رمی: بۆ ئه‌وه‌ی ئێمەش هاوبه‌شێکی کارای هه‌وڵه‌ جیهانییه‌کان بین له‌ به‌ڕه‌نگاربوونه‌وه‌ی دیارده‌ی به‌فیڕۆدانی که‌لوپه‌ل و شتومه‌ک و خوارده‌مه‌نی پێویسته‌ له‌سه‌ر هه‌ر تاکێک به‌خۆداچوونه‌وه‌ به‌و شێوازه‌ هه‌ڵه‌یه‌ی ڕه‌فتاریدا بکات کە ساڵانێکە خۆی لەگەڵیدا ڕاهێناوە. دەستەی پاراستن و چاککردنی ژینگەی هەرێمی کوردستان وا ده‌ڵێت.

 
بۆچی گرنگه‌: نه‌ته‌وه‌ یه‌کگرتووه‌کان له‌خولی 77هه‌میدا له ساڵی 2022 دا، به‌ بڕیارێک ڕۆژی 30 ئازاری هه‌موو ساڵێکی وه‌ک “ڕۆژی نێوده‌وڵه‌تیی بۆ به‌ڕه‌نگاربوونه‌وه‌ی به‌فیڕۆدان” ناساندووە ، داواشی کرد که‌ ساڵانه‌ ئه‌م بۆنه‌یه‌ زیندوو ڕابگیرێت بەوەی تاک و کۆمه‌ڵگه‌ و حکومه‌ته‌کان و ڕێکخراوه‌کان و کۆمپانیاکان کار بکه‌ن له‌ پێناوی که‌مکردنه‌وه‌ی خاشاک.

چاره‌سه‌ره‌کان: ده‌سته‌ی ژینگه‌ ده‌ڵێت، پێویستە بیر له‌ گه‌ڕانه‌وه‌ بۆ نێو سروشت، هه‌ڵسوکه‌وتی هاوڕێیانه‌ له‌گه‌ڵ سروشت و دوورکه‌وتنه‌وه‌ له‌ زیاده‌ره‌وییکردن بكرێتەوە، هه‌مووشمان له‌ هه‌وڵدانی به‌رده‌وامدا بین بۆ ئاماده‌کردنی تاک و کۆمه‌ڵگه‌یه‌کی به‌رپرسیار و هۆشیار و یاساپارێز.