وەزارەتی دارایی جەخت لە خانەنشینکردنی دادوەر و ئەندامانی داواکاری گشتیی دەکات

ئاڤا نیوز

وەزارەتی دارایی و ئابووری هەرێمی کوردستان ڕوونکردنەوە لەسەر درێژکردنەوەی تەمەنی خانەنشینی دادوەر و ئەندامانی داواکاری گشتیی دەدات، بەگوێرەی ئەو ڕێنماییە نوێیە تەمەن و چۆنییەتی خانەنشینکردنیان ئاماژە پێدراوە.

نووسراوی فەرمی: بەگوێرەی نووسراوی فەرمی وەزارەتی دارایی هەرێمی کوردستان کە لە 24-8- 2025 دەرچووە و پەیوەستە بە ڕێنمایی ژمارە 8ـی ساڵی 2025، دادوەر و ئەندامانی داواکاری گشتیی لەتەمەنی 65 ساڵی بە رۆژ و مانگ و ساڵ، حەواڵەی خانەنشینی دەبن، درێژکردنەوەی ئەرکی خزمەت لە هیچ بارێکدا نییە.

لێدوانی فەرمی: سەرچاوەیەک لە بەڕێوەبەرایەتی گشتیی خانەنشینی هەرێمی کوردستان بە ئاڤای ڕاگەیاند: "مووچەی خانەنشینیان بەپێی حوكمەكانی یاسای خانەنشینی یەكگرتوو ژمارەی 9ی ساڵی 2014ی هەمووار دابین دەكرێت، لە سەرەتای ساڵی داهاتووەوە جێبەجێ دەکرێت."

ئەمەش بزانە: ژمارەی دادوەرانی هەرێمی کوردستان 270 دادوەرن 201 دادوەری نێر و 69 دادوەر لەڕەگەزی مێ، ئەندامانی داواکاری گشتیی 215 کەسن ڕوون نییە چەندیان خانەنشین دەبن تاوەکو پرۆسەی خانەنشینیان دەستپێنەکات.