ئەمریكا سزای نوێ بەسەر بەرپرسانی سووریا دەسەپێنێت

ئاڤا نیوز

ئەمریكا سزای نوێ بەسەر 10 بەرپرسی سووریا دەسەپێنێت و بۆیان نییە بەهیچ جۆرێک سەردانی ئەو وڵاتە بکەن.

وێنە گەورەكە: وەزارەتی گەنجینەی ئەمریکا 10 بەرپرسی باڵای سووریا و خێزانەكانیان سزا دەدات، بەتۆمەتی ئەوەی بەشدارن لە سزادان و برسیكردنی خەڵكی سووریا.

لێدوانی فەرمی: ماتیۆ میلەر، گوتەبێژی وەزارەتی دەرەوەی ئەمریکا دەڵێت، ئەو بەرپرسانە بەشدارن لە سزادان و ستەمكردن لە خەڵكی بێتاوانی سووریا، تووندوتیژیان بەرامبەریان كردووە و  مافەكانی مرۆڤیان پێشێل کردوون.

باکگراوند: چەند ڕۆژێک لەمەوبەری ئەمریکا سزای بەسەر 11 کەس و قەوارەدا سەپاندبوو، كە  ئاسانکارییان بۆ گواستنەوەی دارایی نایاسایی بۆ حکومەتی سووریا کردبوو.

بۆچی گرنگە: دۆخی خەڵكی سووریا لە ئاستێكی زۆرخراپدایە، ئێستاش ملیۆنان هاووڵاتی لە سووریا پێویستیان بە هاوكاری هەیە و تا ئێستاش سەدان هەزار کەس لە خوار هێڵی هەژارییەوە دەژین.