تیمی هەژماری من لەبارەی دانانی ئامێری ڕاکێشانی پارە لە قەزا و ناحییەکان ڕوونکردنەوە دەدەن

ئاڤا نیوز

لەبارەی دانانی ئامێرەکانی ڕاکێشانی پارە لە قەزا و ناحییەکان، تیمی هەژماری من دەڵێن، لەماوەی داهاتوودا لە چەند قەزا و ناحیەیەک ئامێر دادەنرێت.

وێنە گەورەکە: بانکەکانی بەشدار لە پڕۆژەی هەژماری من، ئامێری ئەی تی ئێم بۆ هاوبەشانیان لە پارێزگا، قەزا و ناحییەکان دادەنێن، تاوەکو ئێستا 580  ئامێری ئەی تی ئێم لە 200 شوێن دانراون.

چیرۆکی سەرەکی: بەشێکی بەشداربووانی پڕۆژەکە لە قەزا و ناحییەکان داوای دانانی ئامێری ڕاکێشانی پارە دەکەن، چونکە بۆ وەرگرتنی مووچەکانیان ناچارن چەند کیلۆمەترێک ببڕن تا دەستیان بە ئامێرێکی ڕاکێشانی پارە بگات بۆ وەرگرتنی مووچە.

لێدوانی فەرمی: تیمی هەژماری من بە ئاڤای گوت، "لەماوەی داهاتوودا ژمارەی ئەی تی ئێمەکان زیاتر دەکرێن، بەشێکی قەزا و ناحییەکانیش دەگرێتەوە، بەڵام مەرجی دانانی ئەی تی ئێم لەهەر شوێنێک بوونی هەزار مووچەخۆرە لەو ناوچەیە."

ئەمەش بزانە: بۆ مووچەی مانگی شەش 465 هەزار و 600 مووچەخۆری هاوبەشی بانکەکانی پڕۆژەی هەژماری من دەتوانن لە ڕێگەی ئامێرەکانی (ATM) مووچەکانیان ڕابکێشن.