سەدان خێزان لە سێ پارێزگای عێراقەوە بەهۆی بێئاوییەوە ئاوارە دەبن

ئاڤا نیوز

لە ماوەی ڕابردوودا، 742 خێزان لە پارێزگاکانی دیوانیە، موسەننا و زیقار بەهۆی وشکەساڵیەوە ئاوارەی پارێزگای نەجەف بوون.

وێنە گەورەکە: عێراق یەکێکە لە زەرەرمەندترین وڵاتان لەڕووی گۆڕانی ئاو و هەواوە، بەو هۆیەوە ڕووبەڕووی قەیرانی کەمیی ئاو بووەتەوە و ئێستا بە سەخترین هاویندا تێپەڕ دەبێت، بەشێوەیەک کاریگەریی کردووەتە سەر بەرهەمی کشتوکاڵی و ماسی و جووتیاران، بەشێکی زۆر لە جووتیاران بێ کار ماونەتەوە.

ڕاگەیێنراوی فەرمی:  فەرمانگەی کۆچ و کۆچبەرانی پارێزگای نەجەف ڕایگەیاندووە: ئاوارەکان خۆراک و هاوکاری تەندروستییان بۆ دابینکراوە. زۆربەی ئەو خێزانانە جووتیارن و هەندێکی تریش بە دوای هەلی کاردا ڕوویان لەو شوێنانەی نیشتەجێبوون کردووە کە بە زێدەڕۆ دروست کراوە.

زانیاریی زیاتر: بەگوێرەی وەزارەتی کشتوکاڵی عێراق، ئاستی ئاوی کۆگاکراوی عێراق بەڕێژەیەکی مەترسیدار کەمبووەتەوە بۆ 10 ملیار پێ سێجا کە هاوکاتە لەگەڵ وشکەساڵییەکی سەخت، بەهۆی ئەمەشەوە لیژنەی باڵای ئاو بڕیاریداوە چاندنی چەند بەرهەمێك قەدەغە بکات یەکێک لەوانە چاندنی برنجە.