لە مانگێکدا زیاتر لە 27 هەزار کەس سەردانی نەخۆشخانەی 'شار'یان لە سلێمانی کردووە

ئاڤا نیوز

 

لە مانگی ڕابردوو زیاتر لە 27 هەزار و 593 کەس سەردانی نەخۆشخانەی شاریان کردووە لە سلێمانی، کە 444 کەسیان حاڵەتی شکانیان هەبووە.

 

ڕاگەیێنراوی فەرمی: بەپێی ئاماری بەرێوبەرایەتیی گشتیی تەندروستیی سلێمانی، 20 هەزار و 69 نەخۆش سەردانی فریاکەوتنی نەخۆشخانەکەیان کردووە، شەش هەزار و 593 کەس سەردانی بەشی "ئۆپی دی"یان کردووە، 870 نەخۆش چوونەتە بەشی گورچیلەی دەستکردی نەخۆشخانەکە. 

 

ژمارەکان وا دەڵێن: پێنج هەزار و 506 کەس لە نەخۆشخانەکە ماونەتەوە، هەزار و 820 نەخۆش لە بەشی فریاکەوتن و 624 نەخۆش لە بەشی نەشتەرگەری بوون، 780 کەس لە بەشی هەناوی و 444 کەسیش حاڵەتی شکانیان هەبووە، 282 نەخۆشی دیکە لە بەشی هەناوی مێشک و دەمار داخڵ کراون.

 

زانیاریی زیاتر: لەو ماوەیە 910 نەشتەرگەریی جۆراوجۆر کراون لەوانە: 132 نەشتەرگەریی قەستەرە (کردنەوەی سینگ)، 90 نەشتەرگەریی شەبەکە و باڵۆن، 28 نەشتەگەریی منداڵان.

 

ئەمەش بزانە: لە نەخۆشخانەکە 63 هەزار و 868 شیکاری تاقیگەیی، هەزار و 408 هێڵکاری دڵ، پێنج هەزار و 926 تیشک، 231 ئیکۆ، 775 چارەسەری سرووشتی کراوە.