گەڕێکی دیکەی گفتوگۆکانی ئاگربەستی غەززە لە قاهیرە دەستپێدەکاتەوە

ئاڤا نیوز

 

بڕیارە گەڕێکی دیکەی گفتوگۆکانی پەیوەست بە ئاگربەستی غەززە لە قاهیرە دەستپێبکاتەوە و ئەمەش دوای ئەوە دێت کە ڕۆژی هەینی نەتانیاهۆ ڕەزامەندی لە سەر دەستپێکردنەوەی گفتوگۆکان دەربڕی. 

 

وێنە گەورەکە: هەوڵە نێودەوڵەتییەکان بۆ گەیشتن بە ئاگربەست بەر لە دەستپێکی مانگی ڕەمەزان شکستیان هێنا؛ ئێستا هەوڵ بۆ ئەوەیە بەر لە تەواوبوونی ئەو مانگە، ئاگربەست ڕابگەیێنرێت؛ بابەتی سەرەکیی گفتوگۆکانیش ڕاگەیاندنی ئاگربەست و ئازادکردنی بارمتەکان دەبێت.

 

زانیاریی زیاتر: پێشتریش چەند گەڕێکی دیکە لە گفتوگۆکانی ئاگربەست لە نێوان ئیسرائیل و حەماس بە نێوەندگریی ئەمریکا، میسر و قەتەر لە پاریس و دەوحە بەڕێوەچوون، بەڵام بێ ئەنجام بوون.