ڕێباز حەملان: بۆ ڕێککەوتن لەگەڵ عێراق نزیکین

ئاڤا نیوز

گفتوگۆکانی نێوان هەرێمی کوردستان و عێراق بەردەوامن، ڕێباز حەملان یاریدەدەری سەرۆکوەزیرانی هەرێمی کوردستانیش دووپاتی دەکاتەوە نزیکن لە ڕێککەوتن.

وێنە گەورەکە: کۆبوونەوە و دانوستان لەنێوان هەردوو حکومەتی هەرێمی کوردستان و حکومەتی عێراقی فیدراڵ لەسەر هەناردەکردنەوەی نەوت و داهاتی ناوخۆ و ناردنی مووچە و شایستە داراییەکانی هەرێمی کوردستان بەردەوامە.

لێدوانی فەرمی: ڕێباز حەملان، یاریدەدەری سەرکوەزیرانی هەرێمی کوردستان گوتی: ئەمڕۆ لە وەزارەتی دارایی هەرێمی کوردستان کۆبوونەوەیەکی گرنگ کراوە، لەو کۆبوونەوەیە بەڕێوەبەری گشتی و ژمێریاری هەموو ئەو وەزارەتانەی داهاتی ناوخۆیان هەیە، بابەتێکیان بۆ عێراق ئامادە کردووە.

ڕێباز حەملان ئەمانەشی وت:

٠ سبەی کۆبوونەوەی ئەنجوومەنی وەزیرانی عێراق دەکرێت و لێک نزیکبوونەوەی باش لە نێوانمان هەیە.

٠ داهاتی ناوخۆ و ڕسومات، ئەوەی بە یاسای هەرێمی کوردستانن بۆ هەرێمی کوردستان دەبێت و ئەوەی بە داهاتی فیدراڵی هەژمار دەکرێت پەنجا بە پەنجا دەبێت.

٠ لەسەر گومرگ و داهاتی باجیش بەهەمان شێوە ڕێککەوتووین.

٠ لەسەر هەناردەکردنەوەی نەوت و داهاتەکەی گرێبەستێک لە نێوان وەزارەتی سامانە سرووشتییەکان و وەزارەتی نەوتی عێراق و کۆمپانیا نەوتییەکان ئامادە کراوە، لەلایەن هەرێمی کوردستان هەندێک گۆڕانکاری کراوە و بۆ عێراق نێردراوەتەوە، ئەگەر عێراق ڕەزامەندی لەسەردا ئەو گرێبەستە بۆ کۆمپانیاکان دەنێردرێت.

٠ بۆ ڕێککەوتن لەگەڵ عێراق زۆر نزیکین، ئەو ڕێککەوتنەی کرابوو بۆ مانگەکانی پێنج و شەش بوو، بۆ مانگی حەوت و مانگەکانی دواتر لەسەر ڕێککەوتنە تازەکە دەبێت.