هۆشداری لە کشانەوەی هێزەکانی ئەمریکا لە عێراق دەدرێت

ئاڤا نیوز

پیگەی فۆربسی ئەمریکی کشانەوەی هێزەکانی ئەمریکا لە عێراق بە "ئارامییەکی پێش گەردەلوول" وەسف دەکات و هۆشداری لە دووبارەبوونەوەی سیناریۆی ساڵی 2011 دەدات.

چیرۆکی سەرەکی: لە ڕاپۆرتێکدا ئەمڕۆ دووشەممە 8-9- 2025، پیگەی فۆربسی ئەمریکی لەزاری شرۆڤه‌كاران لە پەیمانگای واشنتن و چەند پەیمانگایەکی دیکەی ئەمریکی، دۆخی عێراقی دوای کشانەوەی ئەمریکای وەسف کرد.

ڕاگەیێنراوی فەرمی: بەپێی ڕاپۆرتەکە، کشانەوەی هێزەکانی ئەمریکا بۆ هەرێمی کوردستان دوای بەڵێنی دەسەڵاتدارانی عێراق سەبارەت بەکشانەوەی یاسای حەشدی شەعبی هات.

زانیاریی زیاتر: ڕاپۆرتەکە، ڕوونیشیکردەوە،  هەندێک پارت و لایەنی شیعە کشانەوەی هیزەکانی ئەمریکا بە سەرکەوتنێکی مەعنەوی دەبینن و لە هەڵبژاردنەکاندا بانگەشەی بۆ دەکەن، وەک ئەوەی لە ساڵی 2011 ڕوویدا.

ئەمەش بزانە: ڕاپۆرتەکە هۆشداریدا لەوەی دۆخی عێراق لە 14 ساڵ پێش ئێستا مەترسیدارترە، چونکە هەر بۆشاییەکی ئەمنیی بەهۆی بوونی گرووپی چەکداری تووندڕەو لە سووریا و عێراق، دەبێتە هەڕەشە بۆ سەر دۆخی ناوخۆی عێراق.