ئەردۆغان: کەموکوڕییەکانمان چاکدەکەینەوە

ئاڤا نیوز

 

هێشتا بەتەواوی ئەنجامە بەراییەکان ڕانەگەیێنراوە، بەڵام ئەردۆغان و پارتەکەی پێشوازی لە ئەنجامی بەرایی هەڵبژاردنەکان دەکەن.

 

چیرۆکی سەرەکی: لەدوای ڕاگەیاندنی بەشێکی ئەنجامی بەرایی هەڵبژاردنەکان، ئەردۆغان قسەی بۆ جەماوەری پارتەکەی کرد و باسی لە  چوار ساڵی داهاتوو کرد کە وەک خەزێنەیەک لەبەردەستییانە بۆ زیاتر خزمەتکردنی گەل.

 

لێدوانی فەرمی: رەجەب تەیب ئەردۆغان، سەرۆککۆماری تورکیا گوتی: "پێشوازی لە هەموو ئەنجامێکی هەڵبژاردنەکان دەکەین، بۆ ئەوەی لەدەستی دەدەین بە بوێرییەوە لێپرسینەوە لەگەڵ خۆمان دەکەین و هەر کەموکوڕییەکمان هەبێت، چاکی دەکەینەوە".

 

بۆچی گرنگە؟ ئەم گوتارەی ئەردۆغان ڕازیبوونە بەو ئەنجامە بەراییەی بڵاوکراوەتەوە، چونکە بەپێی ئەنجامەکە بەربژێرەکەی ئاکپارتی پۆستی گەورە شارەوانیی ئیستەنبووڵی  لەدەستداوە.

چی ڕوویدا؟ ئەمڕۆ بە بەشداری 61 ملیۆن دەنگدەر، پرۆسەی هەڵبژاردنەکان لە 81 پارێزگای باکووری کوردستان و تورکیا دەستیپێکردوو؛ بەپێی ئەنجامە بڵاوکراوەکان، جەهەپە پۆستی گەورە شارەوانیی ئیستەنبووڵی بەدەستهێناوە.