چوار وەزیری حکومەتەکەی سوودانی ڕەوانەی دادگا دەکرێن؛ "بە زیندانی حکوم دەدرێن"

ئاڤا نیوز

چاودێرێکی سیاسی دەڵێت، لەم ڕۆژانەدا ناوی چوار وەزیری حکومەتی عێراق ئاشکرا دەکرێت کە دۆسییەکانیان لە دەستەی دەستپاکییە، پێدەچێت بەبڕیاری دادگاش حکوم بدرێن و زیندانی بکرێن.

وێنە گەورەکە: ساڵی ڕابردووش بەهۆی لاوازییان لە بەڕێوەبردنی وەزارەتەکان، باس لە گۆڕینی وەزیرانی نەوت، گواستنەوە، پەیوەندییەکان، کشتوکاڵ، سەرچاوەکانی ئاو و پەروەردە دەکرا، بەڵام دواتر سوودانی ڕایگەیاند: لایەنە پێکهێنەرەکانی حکومەت ڕێگرن لەبەردەم گۆڕانکاریی وزاریی، بۆیەش گۆڕانکارییەکە ناکرێت.

لێدوانی فەرمی: نەبین عەزاوی، چاودیری سیاسی لە چاوپێککەوتنێکدا لەگەڵ کەناڵی ئەلعەهد ئاماژەی بەوەشكرد، ئەو چوار وەزیرە لە چەند ڕۆژی داهاتوودا ناوەکانیان ئاشكرا دەکرێت و ئێستا دۆسییەکانیان لە دەستەی دەستپاکییە، لەوانەشە ڕەوانەی دادگا بکرێن و زیندانیش دەکرێن، چونکە دۆسییەکانیان ئەگەر بگاتە بەردەم دادوەر بە زیندانیکردن حوکم دەدرێن.

وتیشی، بوونی دۆسییە لەسەر ئەو چوار وەزیرە لەسەر محەممەد شیاع سوودانی، سەرۆکوەزیرانی عێراق هەژمار ناکرێت، بەڵکو بەهۆی بوونی کێشەیە لە بەڕێوەبردنی ئەو وەزارەتانە، لەوانەش وەزارەتی کارەبا کە کێشەی تێدایە.