ئەمساڵ 63 منداڵی ئۆتیزم لە هەرێمی کوردستان گەڕاونەتەوە ناو پرۆسەی خوێندن

ئاڤا نیوز

ساڵانە ڕێژەی گەڕانەوەی منداڵانی ئۆتیزم بۆ خوێندن ڕوو لە زیادبوونە، حکومەتی هەرێمی کوردستان گرنگییەکی تایبەتی بەو منداڵانە داوە.

لێدوانی فەرمی: سەیران حەوێز دزەیی، بەڕێوەبەری سەنتەری ئۆتیزمی حكومی هەولێر، بە ئاڤا میدیای ڕاگەیاند، گەڕانەوەی منداڵانی ئۆتیزم بۆ قوتابخانە ئاسان نییە، بەڵام هەوڵەکانمان بەردەوامە، لە دەستپێکی ساڵی نوێ توانیومانە پێنج منداڵی تووشبوو بەو نەخۆشییە بگەڕێنینەوە ناو پرۆسەی خوێندن، کۆی گشتیی قوتابییانمان بۆ ئەمساڵی خوێندن نزیکەی 40 قوتابی، کە پاس و ژەمی خواردنیان لەلایەن حکومەت بۆ دابین دەکرێت لەگەڵ خەرجی ڕۆژانەیان.

" ئەمساڵ سەنتەرەکەمان لەلایەن دەزگای خێرخوازی بارزانییەوە نۆژەنکراوەتەوە".

زانیاریی زیاتر: لە تەواوی ناوچە جیاوازەکانی کوردستان زیاتر لە سێ‌ هەزار و 200 منداڵی هەڵگری نەخۆشی ئۆتیزم هەن، کە بەهۆی قورسی ڕاهێنان و تێچووی زۆری سەنتەرەکان بار قورسی زۆری بۆ خێزانەکانیان دروستبووە. 

ئەمەش بزانە: بەهۆی ئەوەی حکومەتی هەرێمی کوردستان بایەخی تایبەتیداوە بە چارەسەرکردنی ئەو منداڵانە، ئێستا 63 منداڵ گەڕاونەتەوە ناو پڕۆسەی خوێندنی ئاسایی، هاوکات چەندین سەنتەری حکومی و ناحکومیش تایبەت بە ڕاهێنانی ئەو جۆرە منداڵانە لە شارە جیاوازەکان کراونەتەوە.