عێراق ڕەزامەندی لەسەر کردنەوەی دەروازەیەکی نوێی سنووری لەگەڵ ئێران دەدات

ئاڤا نیوز

عێراق بە فەرمی ڕەزامەندی دا لەسەر کردنەوەی دەروازەی سنووری "جەیلات" لە شارۆچکەی دەهلەران سەر بە پارێزگای ئیلام لە ڕۆژئاوای ئێران.

بۆچی گرنگە: بە کردنەوەی ئەو دەروازە سنوورییە، ژمارەی دەروازە سنوورییە چالاکەکانی نێوان هەردوو وڵات دەگاتە حەوت دەروازە، ئەمەش یارمەتیدەر دەبێت بۆ خێراکردنی ئاڵوگۆڕی بازرگانی ساڵانە و پەرەپێدانی گواستنەوەی هەرێمی و ئاسانکردنی گەشتی هاووڵاتیانی هەردوو وڵات.

بڵاوکراوەی فەرمی: بەگوێرەی هەواڵێکی ئاژانسی "فارس"، پاش چەندین ساڵ گفتوگۆ و داواکاری جەماوەری، دەروازەی سنووری جەیلات کە دەروازەیەکی نێودەوڵەتییە، نزیکە لە کردنەوەی. بە ڕەزامەندی نووسراوی پارێزگاری میسان و بە پشتیوانی باڵیۆزانی هەردوو وڵات، ئەم دەروازە ستراتیژییە بەم زووانە بە فەرمی دەست بە کارەکانی دەکات.

ئەوەی لەبارەیەوە دەگوترێت: پەرلەمانتارێکی ئیلام ڕایگەیاندووە، ژێرخانی پێویست لە لایەنی ئێرانەوە تەواو کراوە، لەوانە ڕێگای گەیشتن و دامەزراوە گومرگییەکان و خاڵەکانی پاسەوانی سنوور. هاوکات، لایەنی عێراقی پەیامێکی ئاراستەی سەرۆکوەزیرانی عێراق کردووە بۆ ئەوەی ئەم پرسە بخاتە ناو کارنامەی حکومەتی بەغداوە بۆ ئامادەکاری جێبەجێکردنی.

ئەوەی پێویستە بیزانیت: شەش دەروازە سنووریی فەرمی لەنێوان عێراق و ئێران هەن، بەشێک لەو دەروازانە دەکەونە هەرێمی کوردستان، بە گشتی دەرەوازە فەرمییەکان بریتین لە: لە شەلەمچە، جەزابە، مێهران، خوسرەوی، پەروێزخان، باشماخ و تەمەرچین.