دادگەی فیدراڵی لەبارەی هەڵبژاردنی سەرۆکی پەرلەمانی عێراق بڕیاری دا

ئاڤا نیوز

 

دادگەی فیدراڵیی عێراق سکاڵای لەبارەی هەڵوەشاندنەوەی دانیشتنی هەڵبژاردنی سەرۆکی ئەنجوومەنی نوێنەران ڕەتدەکاتەوە و دەڵێت "لە پسپۆری ئێمەدا نییە".

 

بۆچی گرنگە: لە ڕۆژی 14-11-2023، دادگەی باڵای فیدراڵی عێراق لە بڕیارێکدا کۆتایی بە ئەندامێتی محەممەد حەلبووسی، سەرۆکی ئەنجوومەنی نوێنەرانی عێراق هێنا، لەوکاتەوە ئەنجوومەنەکە بێ سەرۆکە.

 

زانیاریی بەدەستهاتوو: دادگەی فیدراڵی عێراق سکاڵای لەبارەی هەڵوەشاندنەوەی دانیشتنی هەڵبژاردنی سەرۆکی ئەنجوومەنی نوێنەران ڕەتدەکاتەوە و دەڵێت، "سکاڵایەکە لەپسپۆڕی ئێمەدا نییە".

 

زانیاریی زیاتر: لە سکاڵاکەدا داواکرابوو سەرجەم ڕێکارەکان و ئەو بڕیارانەی لە دانیشتنی ڕۆژی 13-01-2024، لەبارەی هەڵبژاردنی سەرۆکی ئەنجوومەنی نوێنەرانی عێراق دەرچوون، هەڵبوەشێنرێنەوە.

 

ئەوەی پێویستە بیزانیت: لە دانیشتنی ڕۆژی 13-01-2024، کۆبوونەوەی ئەنجوومەنی نوێنەران بەڕێوەچوو بۆ هەڵبژاردنی سەرۆکی نوێی ئەنجوومەن و هەریەک لە شه‌علان کرەیم لە هاوپەیمانی ته‌قه‌دووم، سالم عیساوی لە هاوپه‌یمانیی سیاده و موسه‌ننا سامه‌ڕائیی لە هاوپه‌یمانیی عه‌زم بەربژێربوون و لە گەڕی یەکەمی دەنگداندا شەعلان کرەیم زۆرترین دەنگی بەدەستهێنا، دەنگدان چووە گەڕی دووەم و دواتر بەهۆی ئاڵۆزییەوە دانیشتنەکە بۆ کاتێکی نادیار دواخرا.