ماستەرپلانی گەشتیاری لە بەنداوی دهۆک جێبەجێ دەکرێت

ئاڤا نیوز


قۆناغی یەکەمی ماستەرپلانی گەشتیاری لە بەنداوی دهۆک جێبەجێ دەکرێت، بەشێکی زەوییەکەی بۆ خواردنگە، کافتریا و سەوزایی تەرخاندەکرێت، بەمنزیکانە کۆرنیشێک لە بەشێکی بەنداوەکە دروست دەکرێت.

وێنە گەورەکە: بەنداوی دهۆک یەکێکە لە چوار بەنداوە گەورەکەی هەرێمی کوردستان و توانای گلدانەوەی 52 ملیۆن مەتر سێجا ئاوی هەیە، کاریگەریی گەورەی لەسەر دابینکردنی ئاسایشی ئاو بۆ هەرێمی کوردستان و بووژانەوەی زیاتری کەرتی کشتوکاڵی و سامانی ئاژەڵ هەیە، کار لەسەر ئەوە دەکرێت لەڕووی گەشتیاریەوە سوود بگەیێنێت.

لێدوانی فەرمی: هەڤاڵ سدیق، بەڕێوەبەری گشتیی وەبەرهێنانی دهۆک؛ بە ئاڤای گوت، "چەند ڕێکارێکی کەم ماوە دەست بە دروستکردنی کۆرنیشێک لەسەر بەنداوی دهۆک دەکرێت، دواتر ماستەرپلانی گەشتیاری لە بەنداوەکە ڕادەگەیێنرێت، بەشێکی زەوییەکە بۆ پڕۆژەی گەشتیاری جیادەکرێتەوە و وەبەرهێنان دەتوانن داواکاری پێشکەش بکەن بۆ ئەوەی پڕۆژە لەسەر ئەو زەوییانە جێبەجێ بکەن."

ئەوەی پێویستە بیزانیت: بەنداوی دهۆک، دەکەوێتە باکووری شاری دھۆک، لە ساڵی 1988 بە مەبەستی دابینکردنی ئاو بۆ کشتوکاڵ کردن بنیادنراوە، بەزییەکەی 60 مەترە و درێژییەکەی 600 مەترە.