ئەو کوردانەی لە سوپای عێراق خزمەتیان هەیە پارچەیەک زەویان پێدەدەرێت

ئاڤا نیوز

وەزیری بەرگری عێراق، ئاشكرای كرد،  پلانی دابەشکردنی زەوی بەسەر ئەفسەران و کارمەندانی وەزارەتەکەیدا بە باشی بەڕێوەدەچێت. بەپێی پلانەکەی وەزارەتی بەرگری، هەموو ئەو کوردانەی لە سوپای عێراق خزمەتیان هەیە پارچەیەک زەویان پێدەدەرێت.

چیرۆکی سەرەکی: ئەمڕۆ دووشەممە 15-9-2025 ، سابیت عەباسی، وەزیری بەرگری عێراق و بەنکین ڕێکانی، وەزیری ئاوەدانکردنەوە و نیشتەجێبوون، لەبارەگای وەزارەتی بەرگری لە بەغدای پایتەخت، کۆنفرانسێکی رۆژنامەوانی هاوبەشیان سەبارەت بەدابەشکردنی زەوی بەسەر ئەفسەران و کارمەندانی وەزارەتی بەرگری کرد.

لێدوانی فەرمی: سابیت عەباسی، وەزیری بەرگری عێراق ڕایگەیاند: پلانی دابەشکردنی زەوی بەسەر ئەفسەران و کارمەندانی وەزارەتەکەیدا تاوەکو ئێستا بە باشی بەڕێوەدەچێت.

زانیاریی زیاتر: عەباسی ئاماژەی بەوەشدا، گرێبەستەکانی دابەشکردنی زەوی لە هەندێک پارێزگا واژۆکراون و لەم هەفتەیەدا یان هەفتەی داهاتوو گرێبەستەکان لەگەڵ پارێزگاکانی دیکەی عێراق تەواو دەبن و سەرەتاش لە شاری فارس لە بەسمایە دەستپێدەکات.
 

ئەمەش بزانە: بەپێی بریارەکەی وەزارەتی بەرگری عێراق،  هەموو ئەو کوردانەی لە سوپای عێراق خزمەتیان هەیە پارچەیەک زەویان پێدەدەرێت.