دۆناڵد ترەمپ نهێنییەک لەبارەی زێلێنسکی و پووتین ئاشکرا دەکات

ئاڤا نیوز

 

دۆناڵد ترەمپ، سەرۆکی ئەمریکا، ئاشکرای دەکات کە ڤلادیمیر پووتین، سەرۆکی ڕووسیا و ڤۆلۆدیمێر زێلێنسکی، سەرۆکی ئۆکراینا، ڕقیان لە یەکتر دەبێتەوە و پێویستە خۆی [ترەمپ] لەگەڵیان لە یەک ژوور کۆببێتەوە.

 

چیرۆکی سەرەکی: هەوڵە نێودەوڵەتییەکان بۆ کۆتاییهێنان بە شەڕی ڕووسیا و ئۆکراینا بەردەوامن. ڕۆژی سێشەممە، 16ی ئەیلوولی 2025، مارکۆ ڕوبیۆ، وەزیری دەرەوەی ئەمریکا، ڕایگەیاند کە دۆناڵد ترەمپ، سەرۆکی ئەمریکا، هەفتەی داهاتوو لەگەڵ ڤۆلۆدیمێر زێلێنسکی، هاوتا ئۆکراینییەکەی، لەسەر پرسی شەڕی ڕووسیا و ئۆکراینا کۆدەبێتەوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: "ئەوان [زێلێنسکی و پووتین] هەردووکیان زۆر ڕقیان لە یەکتر دەبێتەوە، بۆیە وا دیارە کە پێویستە من لەگەڵیان لە یەک ژوور کۆببمەوە، چونکە بەهۆی ئەو ڕقەوە ئەوان ناتوانن بەیەکەوە کۆببنەوە."

 

زانیاریی زیاتر: ترەمپ لە بەشێکی دیکەی قسەکانیدا داوایەکی لە وڵاتانی ئەوروپا کرد و  گوتی کە "دەبێت زێلێنسکی لەگەڵ ڕووسیا ڕێکبکەوێت و وڵاتانی ئەورووپاش بوەستن لە کڕینی نەوتی ڕووسیا."