دەست بە خەرجکردنی پارە کرا بۆ کڕینی دەرمان بۆ نەخۆشخانەکانی سلێمانی

ئاڤا نیوز

وەزارەتی تەندروستیی حکومەتی هەرێمی کوردستان کێشەی دەرمانی لە سلێمانی چارەسەر کرد، بەڕێوەبەری دیوانی وەزارەتەکەش دەڵێت، "دەست بە خەرکردنی پارەی دەرمان کرا'.

 

چیرۆکی سەرەکی: دوای بەدواداچوونی ئاڤا میدیا لە ڕۆژی 13 ئەیلوول، لەبارەی قەیرانی نەمانی دەرمان و کەمیی پێداویستییە پزیشکییەکان لە نەخۆشخانە حکومییەکانی سنووری سلێمانی و دەوروبەری، هەر ئەوکات وەزیری تەندروستی لە ڕێگەی ئاڤاوە بەڵێنی چارەسەری ئەو پرسەکەی لە ماوەی 48 کاتژمێردا دا.

لیدوانی فەرمی: د. سامان بەرزنجی، تەندروستیی  هەرێمی کوردستان بە ئاڤا میدیای ڕاگەیاند: هەفتەی ڕابردوو وەزیری دارایی و ئابووری بەڵێنی خەرجکردنی پارەی پێدانین بۆ چارەسەرکردنی کێشەی کەمیی دەرمان لە نەخۆشخانەکانی سنووری سلێمانی."

 

وەزیری تەندروستی گوتیشی، 27 ملیار دینار بۆ خەرجییەکان بە گوێرەی هەر چەکێکی بانکی بۆ هەر کاروانێکی دەرمان  و پێداویستیی پزیشکی دیاری دەکرێت.

لەلایەکی دیکەوە: د. مەعاف  عەبدوڵڵا، بەڕێوەبەری دیوانی وەزارەتی تەندروستیی حکومەتی هەرێمی کوردستان بە ئاڤا میدیای راگەیاند: ئەمڕۆ دەست بە خەرجکردنی پارەی دەرمان بۆ سلێمانی کرا و کێشەکەمان بە تەواوی چارەسەر کرد.