نرخی زێڕ 29 دۆلار بەرز دەبێتەوە

ئاڤا نیوز

لە بازاڕەکاندا نرخی زێڕ بەردەوام لە بەرزبوونەوەدایە، ئەندامێکی سەندیکای زێڕنگرانیش هۆکارەکەی بۆ دابەزینی بەهای دۆلار بەرامبەر دیناری عێراقی دەگەڕێنێتەوە.

لێدوانی فەرمی: سەفین وەرتی، ئەندامی سەندیکای زێڕنگرانی هەولێر بە ئاڤا میدیای ڕاگەیاند: ئەمڕۆ دووشەممە، هەر ئۆنسەیەک زێڕ 29 دۆلار و هەر مسقاڵێک زێڕ حەوت هەزار دینار نرخیان زیادی کردووە، هۆکارەکەشی بۆ دابەزینی بەهای دۆلار بەرامبەر دینار دەگەڕێتەوە.

زانیاریی زیاتر: نرخی زێڕ لە بازاڕەکانی هەرێمی کوردستان بەم شێوەیە.

مسقاڵێک زێڕ عەیار 22 بە 785  هەزار دینارە

مسقاڵێک زێڕ عەیار 21 بە 750 هەزار دینارە

مسقاڵێک زێڕ عەیار 18 بە 643 هەزار دینارە

ئەوەی پێویستە بیزانیت: نرخی ئۆنسەیەک زێڕ بە سێ هەزار و 714 دۆلار لە بازاڕەکاندا مامەڵەی پێوە دەکرێت.