بە مەبەستی وەرگرتنی گەنمی جوتیاران شاندێکی هەرێمی کوردستان دەچێتە بەغدا

ئاڤا نیوز  

 

بۆ ساغکردنەوەی گەنمی ئەمساڵی جووتیارانی هەرێمی كوردستان، بڕیارە شاندێکی وەزارەتی کشتوکاڵی هەرێمی كوردستان بچێتە بەغدا.

 

لێدوانی فەرمی: هیوا عەلی، گوتەبێژی وەزارەتی کشتوکاڵ و سەرچاوکانی ئاو لە حکومەتی هەرێمی کوردستان بە ئاڤا نیوزی ڕاگەیاند: "پێشبینی دەکرێت، بەرهەمی گەنمی ئەمساڵ لە عێراق نزیکی شەش ملیۆن تۆن بێت و ملیۆنێک و بۆ ملیۆنێک و نیو تۆن بەرهەمی هەرێمی کوردستان بێت".

زانیاریی زیاتر: ئێمە لە هەماهەنگی بەردەوامداین لەگەڵ حکومەتی عێراق بۆ ڕێکەوتن لەسەر میکانزمێک لە بارەی چۆنەتی وەرگرتنی گەنمی جوتیارانی هەرێمی کوردستان بۆ ئەمساڵ لەو چوارچێوەیشدا شاندێک دەنێرینە بەغدا، گوتەبێژی وەزارەتی کشتوکاڵ وادەڵێت.

ئەمەش بزانە: ئەمساڵ وەزارەتی کشتوکاڵ لە چوارچێوەی پلانی چاندنی وەرزی زستانە زانیارییەکانی لە فۆڕمێکی تایبەت تۆماركردووە، ئەو جوتیارانەی خۆیان خاوەنی زەویەکانن فۆرمەکانیان پرکردووەتەوە سەبارەت بە ڕووبەری زەوییەکان و شێوازی چاندنی دێمی و بەر ئاو ئاماژەی پێکراوە.

باكگراوند: ساڵی ڕابردوو 500 ھەزار تۆن گەنم لە جووتیارانی ھەرێمی کوردستان وەرگیراوە، بڕیاربوو بەغدا ملیۆنێک و 800 هەزار تۆن گەنم وەربگیرێت، بەڵام ڕێژەکەی بۆ  375 هەزار تۆن گەنم کەمکردەوە.