عێراق دەست بە دابەشکردنی مووچەی مانگی 10 دەکات

ئاڤا نیوز

 

ئەمڕۆ چوارشەممە لە عێراق دابەشکردنی مووچەی مانگی 10 دەستیپێکرد و خانەنشینان وەک یەکەم توێژی فەرمانبەرانی دەوڵەت مووچەکانیان بۆ خرایەسەر هەژماری بانکی، دەستەی خانەنشینیش داوا لە خانەنشینانی سەربازیی و مەدەنی دەکات بچن و مووچەکانیان لە بانک وەربگرن.

 

وێنە گەورەکە: لە عێراق خانەنشینانی مەدەنی و سەربازی سەرەتای هەموو مانگێک وەک یەکەم توێژی فەرمانبەرانی دەوڵەت مووچەی ئەو مانگەیان وەردەگرن، واتە بۆ نموونە مووچەی مانگی 10 لە سەرەتای ئەم مانگەدا وەردەگرن.

 

ڕاگەیێنراوی فەرمی: دەستەی خانەنشینی عێراق لە ڕاگەیێنراوێکدا ئاماژەی بەوەشکردووە، ئەمڕۆ چوارشەممە 1ی تشرینی یەکەم، دەستیان بە دابەشکردنی مووچەی مانگی 10ی خانەنشینانی سەربازیی و مەدەنیی کردووە، بۆیە  داوا لە هەموو خانەنشینان دەکات کە کورتەنامەیان لە ڕێگەی ژمارە مۆبایلەکانیانەوە پێدەگات، سەردانی لقی بانکەکان و شوێنەکانی پارەدانی ئەلیکترۆنی لە بەغدا و پارێزگاکان بکەن بۆ وەرگرتنی مووچەکانیان.